ఎన్టీఆర్ ఫస్ట్ లుక్ రిలీజ్

బాలకృష్ణ ప్రధాన పాత్రలో, క్రిష్‌ దర్శకత్వంలో నందమూరి తారకరామారావు బయోపిక్‌ ఎన్టీఆర్‌ తెరకెక్కుతున్న సంగతి తెలిసిందే. అయితే స్వాతంత్ర్య దినోత్సవ దినోత్సవం సందర్భంగా పంద్రాగస్టు శుభాకాంక్షలతో ఎన్టీఆర్‌ సినిమా ఫస్టు లుక్‌ను చిత్ర యూనిట్‌ విడుదల చేసింది.

ఈ ఫస్ట్‌ లుక్‌లో బాలకృష్ణ అద్భుతమైన హావాభావాలతో స్టేజిపై ప్రసంగిస్తూ అచ్చం ఎన్టీఆర్‌ను తలపిస్తున్నాడు. ఈ చిత్రం ఫస్ట్‌లుక్‌ సినిమాపై అంచనాలు పెంచుతోంది. ఎన్టీఆర్‌లాగా నటించిన బాలయ్యబాబును చూసిన ఆయన అభిమానులు తెగ సంబరపడిపోతున్నారు. ఈ సినిమాలో ఏపీ సీఎం చంద్రబాబు నాయుడు పాత్రలో రానా నటిస్తోండగా, ఎన్టీఆర్‌ సతీమణి బసవతారకం పాత్రలో బాలీవుడ్‌ నటి విద్యాబాలన్‌ నటిస్తోంది.