మహేశ్ బాబు అల్లుడితో దిల్ రాజు..

టాలీవుడ్ టాప్ ద‌ర్శ‌కుల‌లో దిల్ రాజు కూడా ఒక‌రు. చిన్న హీరోల‌తో సినిమాలు చేస్తూ భారీ విజ‌యాల‌ను త‌న ఖాతాలో వేసుకుంటాడు దిల్ రాజు. త‌క్కువ బ‌డ్జెట్ లో సినిమాలు తీసి ఎక్కువ‌ వ‌సూళ్లు రాబ‌డుతాడు. ప్ర‌స్తుతం దిల్ రాజు త‌న బ్యాన‌ర్ నాలుగు సినిమాలు చేస్తుండ‌గా మ‌రో మూడు కొత్త సినిమాల‌కు గ్రీన్ సిగ్న‌ల్ ఇచ్చేశాడు. కొత్త న‌టీన‌టుల‌ను ఇండ‌స్ట్రీకి ప‌రిచ‌యం చేయ‌డంలో దిల్ రాజు ముందుంటాడు. తాజాగా ఉన్న స‌మాచారం ప్ర‌కారం ఆయ‌న బ్యాన‌ర్ లో మ‌రో ఇద్ద‌రు కొత్త హీరోల‌ను ప‌రిచ‌యం చేయ‌నున్న‌ట్లు తెలుస్తుంది.

శ్రీ వెంక‌టేశ్వ‌ర బ్యాన‌ర్ పార్ట్ న‌ర్ అయినటువంటి దిల్ రాజు క‌జిన్ శిరిష్ త‌న‌యుడు ఆకాశ్ ను కూడా త్వ‌ర‌లోనే ప‌రిచ‌యం చేయ‌నున్న‌ట్లు తెలిపాడు. ద‌స‌రా రోజున ఈసినిమాను ప్రారంభించి..జ‌న‌వ‌రి నుంచి రెగ్యూల‌ర్ షూటింగ్ జ‌ర‌గుతుంద‌ని తెలిపారు. అంతేకాకుండా మ‌రో కొత్త హీరోను ప‌రిచ‌యం చేస్తున్నాడ‌ని ఫిలిం న‌గ‌ర్ వ‌ర్గాల స‌మాచారం.

సూప‌ర్ స్టార్ మ‌హేశ్ బాబు మేన‌ల్లుడు..ఎంపీ గ‌ల్లా జ‌య‌దేవ్ కుమార్ త‌న‌యుడు గ‌ల్లా అశోక్ ను హీరోగా ప‌రిచ‌యం చేయ‌నున్నాడ‌ని తెలుస్తుంది. ఈఅంశానికి సంబంధించి గ‌త కొద్ది రోజులుగా చ‌ర్చ న‌డుస్తుంద‌ని స‌మాచారం. మొద‌ట ఈసినిమాకు ద‌ర్శ‌కుడిగా ఆడు మ‌గాడ్రా బుజ్జి ద‌ర్శ‌కుడు కృష్ణారెడ్డి గంగ‌దాసుకు ఎంపిక చేసినా..ఆత‌ర్వాత శ‌శి అనే కొత్త ద‌ర్శ‌కుడితో ఈసినిమా తీయ‌నున్న‌ట్లు స‌మ‌చారం. ట‌ర్కీ మూవీకి రీమేక్ గా ఈమూవీని తెర‌కెక్కించ‌నున్నారు. త్వ‌ర‌లోనే ఈమూవీకి సంబంధించిన వివ‌రాలను చిత్ర‌బృందం వెల్ల‌డించ‌నుంది.