దర్శకధీరుడు ఎస్‌ ఎస్‌ రాజమౌళి దర్శకత్వంలో రూపొందిన అద్భుత చిత్రం ‘బాహుబలి’. ఈ సినిమా బాక్సాఫీసు లెక్కల్ని తిరగరాసిన ఎన్నో ప్రతిష్టాత్మకమైన పురస్కారాలను అందుకున్న విషయం తెలిసిందే. అత్యధిక వసూళ్లు సాధించిన భారతీయ చిత్రాల్లో ఒకటిగా నిలిచింది బాహుబలి చిత్రం.
అయితే తాజాగా ఈ మూవీకి మరో ప్రతిష్టాత్మక అంతర్జాతీయ అవార్డు లభించింది. బుధవారం రాత్రి కాలిఫోర్నియాలో జరిగిన 44వ సాటర్న్‌ అవార్డ్స్‌లో ‘ఉత్తమ అంతర్జాతీయ చిత్రం’గా ‘బాహుబలి 2’ నిలిచింది. ఈ విభాగంలో ఆరు చిత్రాలు పోటీపడితే మన ‘బాహుబలి’కి అవార్డు దక్కింది.
ఫిబ్రవరి 2017 – ఫిబ్రవరి 2018 మధ్య విడుదలైన చిత్రాల్లో విశేషంగా ప్రేక్షకుల ఆకట్టుకున్న చిత్రాలకు అమెరికాకు చెందిన అకాడమీ ఆఫ్ సైన్స్ ఫిక్షన్, ఫాంటసీ అండ్ హారర్ ఫిల్మ్స్ సంస్థ శాటరన్ అవార్డులను ప్రతి ఏటా అందజేస్తుంటుంది. ఇక ‘బాహుబలి’కి ఈ అవార్డు దక్కడంపై సినీ ప్రముఖులు, అభిమానులు హర్షం వ్యక్తం చేస్తున్నారు.
