యాక్ష‌న్ స్టార్ గోపీచంద్ హీరోగా కె.చ‌క్ర‌వ‌ర్తి దర్శకత్వంలో తెరకెక్కిన చిత్రం పంతం. గోపిచంద్ సరసన మెహరీన్ హీరోయిన్‌గా నటించిన ఈ చిత్రాన్ని శ్రీ స‌త్య‌సాయి ఆర్ట్స్ బ్యాన‌ర్‌పై కె.కె.,రాధామోహ‌న్ ఈ చిత్రాన్ని నిర్మించారు. గోపిచంద్ నటించిన 25వ సినిమా కావడంతో భారీ అంచనాలు నెలకొన్నాయి. జూలై 5న ప్రపంచ వ్యాప్తంగా ప్రేక్షకుల ముందుకురానుంది. తాజాగా ఈ చత్రం నుంచి సెకండ్ సింగిల్ ను వదిలారు.
ఈ పాటను తెలంగాణ సినిమాటోగ్రఫీ మంత్రి తలసాని శ్రీనివాస యాదవ్ చేతుల మీదుగా విడుదల చేయించారు.”హేయ్ ఆరడుగులున్న అందగాడు .. నాకెందుకో చూడగానే నచ్చినాడు” అంటూ సాగే ఈ పాటను భాస్కరభట్ల రాయగా .. గోపీసుందర్ సంగీత దర్శకత్వంలో సితార కృష్ణకుమార్ ఆలపించారు. సంగీత సాహిత్యాలు యూత్ ను ఆకట్టుకునేలా వున్నాయి.
కొంతకాలంగా వరుస పరాజయాలతో వున్న గోపీచంద్ .. ఈ సినిమాపై ఎంతో నమ్మకం పెట్టుకున్నాడు. ఇక మెహ్రీన్ కి కూడా ఈ సినిమా సక్సెస్ చాలా అవసరం. అందువలన ఆమె కూడా ఈ సినిమా పై ఎన్నో ఆశలు పెట్టుకుంది. మరి వీరిద్దరు ఈ మూవీతో విజయం అందుకుంటార లేదా అనేది జూలై 5 వరకు వేచిచూడాలి..
