టాలీవుడ్‌ డైరెక్టర్‌ సుకుమార్ తెరకెక్కించిన చిత్రం రంగ‌స్థ‌లం. విలేజ్ బ్యాక్‌డ్రాప్‌లో తెర‌కెక్కిన ఈ చిత్రం భారీ హిట్ కొట్టి బాక్సాఫీస్ ద‌గ్గ‌ర 200 కోట్ల వ‌సూళ్ళు సాధించింది. రామ్ చ‌ర‌ణ్, సమంత ప్ర‌ధాన పాత్ర‌లో నటించిన ఈ చిత్రానికి దేవి శ్రీ సంగీతం అందించాడు. అయితే ఈ విజయంలో చంద్ర‌బోస్ లిరిక్స్‌తో పాటు ఆది పినిశెట్టి, జ‌గ‌ప‌తి బాబు, ప్ర‌కాశ్ రాజ్, అన‌సూయ‌ల ప‌ర్‌ఫార్మెన్స్ సినిమా స‌క్సెస్‌లో స‌గ‌భాగం అయ్యాయి. ఈ చిత్రంలో రంగమ్మ.. మంగమ్మ అనే పాట ఎంత పాపుల‌ర్ అయిందో ప్ర‌త్యేకంగా చెప్ప‌న‌క్క‌ర్లేదు. మాన‌సి పాడిన ఈ పాట‌ని చిన్న పిల్ల‌ల నుండి పెద్దోళ్ల వ‌ర‌కు తెగ పాడేసుకుంటున్నారు.
‘రంగమ్మ.. మంగమ్మ’ పాటలో సమంత ఒలకబోసిన హావభావాలకు ప్రేక్షకులు ఫిదా అయిపోయారు. ఈ పాటకు చాలా మంది కాలేజీ అమ్మాయిలు కూడా తమదైన శైలిలో డ్యాన్సులు చేస్తూ, ఆ పాటను పాడుతూ వీడియోలు పోస్ట్ చేస్తున్నారు. అయితే, సమంతకు ఓ తాతయ్య పాడిన రంగమ్మ మంగమ్మ పాట బాగా నచ్చేసింది.
సోషల్‌ మీడయాలో సమంత అభిమాని ఒకరు తన తాతయ్య పాడిన ‘రంగమ్మ.. మంగమ్మ’ పాటను పోస్ట్ చేశాడు. సమంత పాట ఎంతో పాప్యులర్‌ అయిందని, వయసుతో నిమిత్తం లేకుండా అందరూ ఆ పాట పాడుకుంటున్నారని తెలిపాడు. తాతయ్య రాకింగ్ అని ఆ పాట ఇచ్చినందుకు కృతజ్ఞతలని పేర్కొన్నాడు. రంగమ్మ మంగమ్మ అంటూ ఆ తాతయ్య పాడుతోన్న పాట అందరినీ అలరిస్తోంది. సమంతకు అయితే మరీ బాగా నచ్చేయడంతో ఆ ట్వీట్‌ను రీట్వీట్ చేసి, ‘మేడ్‌ మై డే’ అని పేర్కొంది. ఈ వీడియో వైర‌ల్‌గా మారి నెటింట్లో హల్‌చల్‌ చేస్తోంది.
@Samanthaprabhu2 Sister your song most popular to everywhere to sing not barriers of age man #Thatayya rocking , Thanks 🙏 what fantastic song giving us..! pic.twitter.com/CPRyu0fDil
— 𝕂𝔸𝕊𝕀ℝ𝔼𝔻𝔻𝕀 𝕊𝕌ℝ𝔼𝕊ℍ (@KasireddiSuresh) May 26, 2018
😂😂😂made my day https://t.co/QMhN4UHhWj
— Samantha (@Samanthaprabhu2) May 26, 2018
