మాటల మాంత్రికుడు తివ్రిక్రమ్ శ్రీనివాస్ దర్శకత్వంలో యంగ్ టైగర్ ఎన్టీఆర్ హీరోగా తెరకెక్కుతున్నచిత్రం అర‌వింద స‌మేత..వీర రాఘ‌వ. ఎన్టీఆర్ సరసన పూజా హెగ్డే నటిస్తుండగా హారిక అండ్ హాసిని క్రియేషన్స్ పతాకంపై రాధాకృష్ణ ఈ చిత్రాన్ని నిర్మిస్తున్నారు. థ‌మ‌న్ ఈ సినిమాకు సంగీతం అందిస్తున్నాడు.
ఇక ఇటీవల ఎన్టీఆర్ బ‌ర్త్ డే కానుకగా చిత్ర ఫ‌స్ట్ లుక్‌తో పాటు మోష‌న్ పోస్ట‌ర్ విడుద‌ల చేశారు చిత్ర యూనిట్. ఇందులో ఎన్టీఆర్ లుక్ అదిరిపోయిందని ఫ్యాన్స్ ఫుల్ ఖుషిలో ఉన్నారు. ఇక విషయమేమిటంటే `అ!` సినిమాలో నటించి మంచి పేరు తెచ్చుకున్న తెలుగమ్మాయి ఈషా రెబ్బ. గతంలో అమీ తుమీలో తన నటనతో ఆకట్టుకున్న ఈ బ్యూటీకి ‘అర‌వింద స‌మేత’లో నటించే అవకాశం దక్కింది.
ఈ సినిమాలోని ఓ పాత్ర కోసం ఈషారెబ్బ‌ను త్రివిక్రమ్ ఏరికోరి సెలక్ట్ చేసినట్లు సమాచారం. ఈ మూవీలో ఈషా పాత్ర కొత్తగా కనిపించనుందట. వరుస అఫర్లతో జోరుమీదున్న ఈషా ప్రస్తుతం సుమంత్ హీరోగా తెరకెక్కుతున్న ‘సుబ్రహ్మణ్యపురం’ అనే చిత్రంలో కథానాయికగా నటిస్తోంది. ఇక ఎన్టీఆర్ త్రివిక్రమ్ కాంబినేషన్‌లో తెరకెక్కుతున్న మొదటి సినిమా కావడంతో ఈ సినిమాపై భారీ అంచనాలు ఏర్పాడ్డాయి. ఈ చిత్రం షూటింగ్ హైదరాబాద్‌లో శరవేగంగా జరుగుతోంది.
