సోషల్ మీడియాలో ఒక్క పోస్టు చేయడానికి ఆ హీరో తీసుకునే పారితోషికం ఎంతో తెలిస్తే మీరు షాక్ అవుతారు. ఆ హీరో ఒక్క పోస్టుకి అక్షరాల రూ.7కో్ట్లు తీసుకుంటున్నాడు. ఎవరా హీరో అనుకుంటున్నారా.. అతడే హాలీవుడు కండలవీరుడు డ్వెయిన్ జాన్సన్. అభిమానులు ‘ది రాక్’ అని కూడా పిలుస్తుంటారు. ఆయన తీసుకునేది ఏ వ్యాపార ప్రకటనకో కాదు.. ఆయన నటించే సినిమాలను సోషల్ మీడియాలో ప్రచారం చేయడానికి తీసుకునే పారితోషకం. ఈ పారితోషకాన్ని బట్టే సోషల్ మీడియాలో డ్వెయిన్ జాన్సన్ కు ఉన్న క్రేజ్ ఏంటో అర్థం చేసుకోవచ్చు.
హాలీవుడు ప్రముఖ హీరోలలో డ్వెయిన్ జాన్సన్ ఒకరు. ఆయన చేసే ప్రతి సినిమా భారీ వసూళ్లు రాబడుతుంటాయి. ప్రస్తుతం డ్వెయిన్ ‘రెడ్ నోటీస్’ అనే చిత్రంలో నటిస్తున్నారు. త్వరలో ఈ చిత్రం ప్రేక్షకుల ముందుకి రానుంది. అయితే ఈ చిత్ర ప్రచారంలో భాగంగా ట్విట్టర్, ఫేస్ బుక్, ఇన్ స్ట్రాగామ్లలో డ్వెయిన్ ఒక్క పోస్టు చెయ్యడానికి రూ. 7 కోట్లు తీసుకుంటున్నారు. ఈ మధ్య డ్వెయిన్ ప్రధాన పాత్రలో నటించిన ‘బేవాచ్’ చిత్రం భారీ వసూళ్లు రాబట్టింది. ఇందులో బాలీవుడ్ నటి ప్రయాంక చోప్రా కూడా ఓ కీలక పాత్ర పోషించారు. ప్రియాంక నటించిన తొలి హాలీవుడ్ చిత్రం బేవాచ్.
ప్రొఫెషనల్ రెజ్లర్ గా లైఫ్‌ ప్రారంభించిన డ్వెయిన్ సినీ రంగంలోకి వచ్చి ప్రపంచ వ్యాప్తంగా కోట్లాది మంది అభిమానులను సంపాధించుకున్నారు. 220 మిలియన్ డాలర్ల సంపన్నుడైన డ్వెయిన్ అమెరికన్ బిజినెస్ మ్యాగజైన్ ఫోర్బ్స్ లో స్థానం సంపాదించుకున్నారు.
