సావిత్రి అభిమానులంతా ‘మహానటి’ సినిమా కోసం వేయికళ్లతో ఎదురుచూస్తున్నారు. ఈ నెల 9వ తేదీనే ఈ సినిమా విడుదల కానుండటంతో, అందరిలోనూ ఆసక్తి పెరుగుతూ వస్తోంది. ఇక ఈ సినిమాలో షాలిని పాండే ఒక ముఖ్యమైన పాత్రను పోషించిన సంగతి తెలిసిందే. ఆ పాత్ర ఏమైవుంటుందనే కుతూహలం అభిమానుల్లో ఉండేది.
అర్జున్ రెడ్డితో మంచి హిట్ అందుకుంది షాలినీ పాండే. ఆమెకే సావిత్రి స్నేహితురాలు సుశీల పాత్ర దక్కింది. సావిత్రి బాల్యంలోని తీపి గురుతు ఈమె. పెరిగి పెద్దయ్యాక కూడా వీరి స్నేహం అలాగే కొనసాగింది. స్టార్ గా మారాక కూడా సావిత్రి స్నేహితురాలిని వదిలిపెట్టలేదు. ఆ స్నేహితురాలిగా అందంగా మెరిసింది షాలినీ.
ఆమె గెటప్ కూడా సాంప్రదాయ బద్ధంగా మెరిసింది. నుదుటు పెద్దబొట్టుతో తలనిండా మల్లెపూలతో ముఖమంతా అందమైన నవ్వుతో ఎరుపు చీరలో ఆకట్టుకుంది షాలినీ. ఆమెకు నిజంగా ఇది గుర్తుండిపోయే చిత్రమే అవుతుంది.
ఇలా ఎల్వీ ప్రసాద్ గా చేస్తున్న అవసరాల క్యారెక్టర్ ను అలమేలుగా నటిస్తున్న మాళవికా నాయర్ పాత్రను ఎస్వీరంగారావుగా చేస్తున్న మోహన్ బాబు పాత్రను ఇలా కొన్ని పాత్రలను వీడియోల రూపంలోనే పరిచయం చేశారు. అంతేకాదు ప్రముఖ దర్శకుడు క్రిష్ జాగర్లమూడి కూడా ఈ సినిమాలో చిన్న పాత్ర చేస్తున్నాడు. ఆయన అలనాటి ప్రముఖ దర్శకుడు కేవీ రెడ్డిగా కనిపించనున్నారు.
