ధోనీ..ఈ పేరు వింటే చాలు క్రికెట్ అభిమానులు పట్టరాని సంతోషం. ఆయన ఫోటోను చూసిన, టీవీల్లో చూసిన అభిమానం కట్టలు తెంచుకొస్తుంది. మహేంద్ర సింగ్‌ ధోనిని అభిమానులు దేవుడిలా ఆరాదిస్తారు. ఆయనకు దేశ వ్యాప్తంగా ఎక్కడా లేని అభిమానులు సంపాదించుకున్నారంటే అతిశయోక్తి లేదు.
ధోనీ మైదానంలో కనిపిస్తే చాలు అతనిని కలవాలని ఆరాటపడుతుంటారు. గతంలో మైదానం నుంచి దాటొచ్చి అతని కాళ్లకు మొక్కిన సందర్భాలు చాలానే ఉన్నాయి. తాజాగా అలాంటి సంఘటనే మళ్లీ రిపటైంది. నిన్న(గురువారం) ఈడెన్ గార్డెన్‌లో జరిగిన కోల్‌కతా నైట్‌రైడర్స్‌-చెన్నై సూపర్‌కింగ్స్‌ మ్యాచులో ఈ సంఘటన చోటు చేసుకుంది. ధోనీ డగౌట్‌లో ఉండి అతని టీమ్‌తో మాట్లాడుతున్నాడు.
అంతలోనే ఒక అభిమాని ఏకంగా భద్రతా సిబ్బదిని దాటి మరీ ధోని కాళ్లకు నమస్కరించి అభిమానాన్ని చాటుకున్నాడు. అది గమనించి అప్రమత్తమైన భద్రతా సిబ్బంది అతన్ని అక్కడి నుంచి తీసుకెళ్లిపోయారు. ఈ వీడియోను ఐపీఎల్ నిర్వాహకులు ట్వ్టిట్టర్ ద్వారా అభిమానులతో పంచుకున్నారు. ఇది ఇప్పుడు సోషల్ మీడియాల్లో చక్కర్లు కొడుతుంది. ఈ మ్యాచులో 6 వికెట్ల తేడాతో చెన్నై సూపర్‌కింగ్స్‌పై కోల్‌కతా నైట్‌రైడర్స్‌ విజయం సాధించింది. ఈ ఐపీఎల్ సీజన్‌లో చెన్నైకి ఇది మూడవ ఓటమి. ధోనీ ఈ మ్యాచులో 25 బంతుల్లో 43 పరుగులు చేసి తన బ్యాటింగ్‌తో ఆకట్టున్నా అతని ఫలితం వృదా అయింది.
Love unparalleled #VIVOIPL #KKRvCSK pic.twitter.com/kektbKnDVw
— IndianPremierLeague (@IPL) May 3, 2018
