సావిత్రి జీవిత కథ ఆధారంగా కీర్తి సురేష్‌ సావిత్రి పాత్రలో నటిస్తున్న చిత్రం ‘మహానటి’. ఈ సినిమాను నాగ్ అశ్విన్ దర్శకత్వం వహిస్తున్నారు. ఈ సినిమాకు సంబంధించి ఈ మధ్యే రిలీజైన టీజర్‌కు ప్రేక్షకుల నుంచి మంచి స్పందన వస్తుంది. కాగా ఈ చిత్రంలోని తొలి పాటను నిన్న (శుక్రవారం) చిత్రయూనిట్ విడుదల చేసింది.
ఈ సినిమాకు మిక్కిజె.మేయర్ సంగీతం అందించగా సిరివెన్నెల సీతరామశాస్త్రీ సాహిత్యం అందించారు. ఆయన సాహిత్యం నుంచి వెలువడిన ఈ పాటఅద్భతంగా ఉందని సావిత్రి అభిమానులు కొనియాడుతున్నారు. ఈ సినిమాలో ‘మధురవాణి’గా సమంతా, ‘విజయ్ అంటోని’గా విజయ్ దేవరకొండ నటిస్తున్న విషయం తెలిసిందే. వైజయంతీ మూవీస్‌ బ్యానర్‌పై అశ్వనీదత్‌, ప్రియాంకదత్‌, స్వప్నదత్‌లు నిర్మిస్తున్న ఈ చిత్రం తెలుగుతోపాటు తమిళ, మలయాళ భాషల్లో సినిమాను విడుదల చేయనున్నట్లు సమాచారం.
https://youtu.be/JBYejnluuCk
