ఎదుగుతున్న క‌థానాయ‌కుల సినిమాల‌కు ప్రేక్ష‌కులు రావాలంటే ఒక్క‌టే మార్గం.. కాస్త క్రేజ్ ఉన్న హీరోయిన్ల‌ను ఎంపిక చేసుకోవ‌డం. ఈ కిటుకు.. యువ క‌థానాయ‌కుడు బెల్లంకొండ శ్రీ‌నివాస్‌కి బాగా తెలుసు. స‌మంత, త‌మ‌న్నా, ర‌కుల్ ప్రీత్ సింగ్ వంటి క్రేజీ హీరోయిన్ల‌తో త‌న గ‌త సినిమాల్లో క‌లిసి నటించిన ఈ నిర్మాత త‌న‌యుడు ప్ర‌స్తుతం పూజా హెగ్డేతో ‘సాక్ష్యం’ సినిమా చేస్తున్నాడు.
ఈ సినిమా పూర్త‌య్యేలోపే ఓంకార్ ద‌ర్శ‌క‌త్వంలో మరో చిత్రాన్ని ప‌ట్టాలెక్కించనున్నాడు శ్రీనివాస్. స్పోర్ట్స్ నేప‌థ్యంలో సాగే ఈ చిత్రంలో క‌థానాయిక‌గా కీర్తి సురేష్ న‌టించే అవ‌కాశ‌ముంద‌ని తెలిసింది. ఈ మధ్యనే పవన్ కళ్యాణ్ తో అజ్ఞాతవాసి సినిమాలో నటించిన కీర్తి ఇపుడు బెల్లంకొండ శ్రీనివాస్ తో జతకట్టబోతోంది. ఈ మధ్యనే పవన్ కళ్యాణ్ తో అజ్ఞాతవాసి సినిమాలో నటించిన కీర్తి ఇపుడు బెల్లంకొండ శ్రీనివాస్ తో జతకట్టబోతోంది. ఈ సినిమా కోసం బెల్లంకొండ ఆమెకు ఏకంగా కోటి 25 లక్షలు ఇవ్వడానికి రెడీ అవుతున్నాడని సమాచారం.
హీరోయిన్లకు భారీ పారితోషికాలు చెల్లించడం బెల్లంకొండకు కొత్త విషయమేమీ కాదు. ఆయన అనుకున్నట్లుగా కీర్తిని హీరోయిన్ గా ఫైనల్ చేసే అవకాశాలు కనిపిస్తున్నాయి. సాక్ష్యం సినిమా షూటింగ్ పూర్తవగానే ఈ సినిమా సెట్స్ పైకి వెళ్లనుంది.
