భారీ అంచనాల మధ్య సంక్రాంతి కానుకగా ప్రేక్షకుల ముందుకువచ్చిన పవర్ స్టార్ పవన్ కల్యాణ్ ‘అజ్ఞాతవాసి’ బాక్సాఫీసు వద్ద భారీ వసూళ్లను రాబడుతోంది. మిక్స్ డ్ టాక్ వచ్చిన పవన్ మేనియా ముందు అవేమీ వసూళ్లపై ప్రభావం చూపడం లేదు. తెలుగు రాష్ట్రాలతో పాటు ఓవర్సీస్ లోను ఈ సినిమా భారీ ఓపెనింగ్స్ ను రాబట్టింది. ఓవర్సీస్ లోనే ప్రీమియర్స్ రూపంలో 1.5 మిలియన్ డాలర్లను రాబట్టిన ఈ సినిమా ‘బాహుబలి’ రికార్డులను తుడిచిపెట్టింది.
అజ్ఞాతవాసి విదేశీ రైట్స్ ఎల్‌ఏ తెలుగు సంస్థ రూ.19.50 కోట్లకు కొనుగోలు చేసిందట. డిస్ట్రిబ్యూటర్లు మంగళవారం అక్కడ ప్రీమియర్‌ షోల కోసం 600 స్క్రీన్లను బుక్‌ చేసినట్లు సమాచారం. కేవలం ప్రీసేల్స్‌ ద్వారా మిలియన్ డాలర్లు రాబట్టడం విశేషం.
‘బాహుబలి: ది బిగినింగ్‌’, ‘ఖైదీ నంబర్‌ 150’ సినిమాలు అమెరికా ప్రీమియర్‌ షోలలో వరుసగా 1,005,630 డాలర్లు, 1,295,613 డాలర్లు వసూలు చేసినట్లు విశ్లేషకులు తెలిపారు. ఈ కలెక్షన్స్‌ను 1,464,647 డాలర్ల వసూలుతో ‘అజ్ఞాతవాసి’ బీట్ చేసింది.
ఇక చెన్నై లోను ఈ సినిమా తన హవా చూపించినట్టుగా చెబుతున్నారు. నిన్న ఒక్క రోజులోనే ఈ సినిమా 24 లక్షల గ్రాస్ ను సాధించినట్టుగా చెబుతున్నారు. ఇవి రికార్డు స్థాయి వసూళ్లని అంటున్నారు. సంక్రాంతి సెలవుల కారణంగా తెలుగు రాష్ట్రాలతో పాటు .. చెన్నైలోను ఈ సినిమా వసూళ్లు మరింతగా పెరిగే ఛాన్స్ ఉందని టాక్.
