ప్రధాని మోడీ పర్యటన షెడ్యూల్ ఇదే..

ప్రధాని మోదీ హైదరాబాద్ పర్యటన షెడ్యూల్ ఖరారయింది. ఈనెల 28న ప్రధాని మోదీ హైదరాబాద్ పర్యటనకు రానున్నారు. మధ్యాహ్నం 2.30కు మోదీ బేగంపేట విమానాశ్రయానికి చేరుకుంటారు. బేగంపేట నుంచి మియాపూర్‌కు మోదీ హెలికాప్టర్‌లో వెళ్లనున్నారు. మియాపూర్‌లో మెట్రోరైలు పైలాన్‌ను ప్రారంభిస్తారు.

అనంతరం మియాపూర్ నుంచి కూకట్‌పల్లి వరకు మెట్రోరైలులో ప్రధాని ప్రయాణిస్తారు. తిరిగి అదే మెట్రో రైలులో కూకట్‌పల్లి నుంచి మియాపూర్ వరకు మోదీ ప్రయాణిస్తారు. తర్వాత మియాపూర్ నుంచి హెచ్‌ఐసీసీకి హెలికాప్టర్‌లో వెళ్తారు. ప్రారంభ సమావేశం అనంతరం హెచ్ఐసీసీ నుంచి రోడ్డు మార్గంలో ప్రధాని మోదీ ఫలక్‌నామా ప్యాలెస్‌కు చేరుకొనున్నారు. రాత్రి 8గంటలకు ఇవాంక, జీఈఎస్ ప్రతినిధులకు ఫలక్‌నామా ప్యాలెస్‌లో మోదీ విందు ఇవ్వనున్నారు. విందు అనంతరం మోదీ ఢిల్లీకి తిరుగుపయనం కానున్నారు.