రామ్ చరణ్, సమంత జంటగా నటిస్తోన్న రంగస్థలం మూవీ రిలీజ్ డేట్ ఫిక్స్ అయినట్టు తెలుస్తోంది. తొలి చిత్రం ‘ఆర్య’ నుంచి గ‌త చిత్రం ‘నాన్న‌కు ప్రేమ‌తో’ వ‌ర‌కు తన శైలి సినిమాల‌తో ఆక‌ట్టుకున్న సుకుమార్‌.. ప్ర‌స్తుతం మెగా ప‌వ‌ర్ స్టార్ రామ్‌చ‌ర‌ణ్‌తో ‘రంగస్థలం 1985’ చిత్రాన్ని తెర‌కెక్కిస్తున్నాడు. ఇందులో రామ్ చరణ్ డిఫరెంట్ లుక్‌లో క‌నిపించ‌నున్నాడు. ఈ లుక్‌కి సంబంధించి ఇప్ప‌టికే కొన్ని ఛాయాచిత్రాలు సోష‌ల్ మీడియాలో హ‌ల్ చ‌ల్ చేస్తున్నాయి. దేవిశ్రీ ప్ర‌సాద్ సంగీత‌మందిస్తున్న ఈ సినిమాని వేస‌వి కానుక‌గా విడుద‌ల చేయ‌నున్నార‌ని టాలీవుడ్ వ‌ర్గాలు పేర్కొంటున్నాయి.
షూటింగ్ మొదలు పెట్టినప్పుడు 2018 సంక్రాంతికి పక్కా అన్నారు. కానీ షూటింగ్ పట్టాలెక్కిన తర్వాత మధ్యలో కొన్ని కారణాల వల్ల ఆలస్యం కావడంతో సమ్మర్ ఏప్రిల్ లో రిలీజ్ అనేశారు. ఇక అదే సమయంలో అల్లు అర్జున్ – నా పేరు సూర్యా కూడా రిలీజ్ డేట్ ని ఫిక్స్ చేసుకోవడంతో మళ్లీ మాట మార్చి దానికంటే కొన్ని రోజుల ముందు తన సినిమాను రిలీజ్ చేయడానికి ఫిక్స్ అయ్యాడు రామ్ చరణ్. ఫైనల్ గా మార్చ్ 29న కూల్ గా రిలీజ్ చెయ్యాలని దర్శక నిర్మాతలు కూడా డిసైడ్ అయ్యారని తెలుస్తోంది. ఈ సినిమాలో పూజా హెగ్డే ఓ ప్రత్యేక గీతం చేస్తోంది.
