హీరోయిజాన్ని పక్కనపెట్టి మరీ ప్రయోగాలకు తెరలేపుతూ విభిన్న కథలతో ప్రజలను ఆకట్టుకుంటున్నారు అక్కినేని నాగార్జున. టాలీవుడ్ లో మన్మధుడిగా పేరొందిన ఆయన నటించిన తాజా చిత్రం ‘ రాజుగారి గది2’. ఇటీవలే ఈ సినిమా ప్రేక్షకుల ముందుకొచ్చి మంచి టాక్ ను సొంతం చేసుకుంది. ఈ సినిమాలో నాగార్జున నటించిన మెంటలిస్ట్ పాత్ర హైలెట్ అనే కామెంట్స్ ఎక్కువగా వినిపిస్తున్నాయి. ఇక సినిమాకు ప్రమోషన్స్ ని భారీ స్థాయిలో నిర్వహించిన నాగ్ ఎక్కడైకి వెళ్లినా ఒక ప్రశ్నతో సతమతమవుతున్నారు.
సినిమా రిలీజ్ కు ముందు ప్రెస్ మీట్ లో అలాగే సినిమా తర్వాత సక్సెస్ మీట్ లో ఎక్కువగా అందరు మీసం ఎందుకు తీశారని అడుగుతున్నారు. అయితే ఈ విషయంపై నాగార్జున ఒక కౌంటర్ వేశారు. మీసం పెంచితే అడుగుతారు. తీస్తే అడుగుతారు. ఇదెక్కడి బాధ. అయినా నా మీసం, నా ఇష్టం అని కాస్త గట్టిగానే అనేసాడు. ఎక్కడికి వెళ్లినా కూడా ఈ ప్రశ్ననే ఎదురవుతుందని నాగార్జున చెప్పారు. అంతే కాకుండా మీసం ఉంచుకున్నా గొడవే.. మీసం తీసేసినా గొడవే.. నా లైఫ్ నాకు ఇష్టం ఉన్నట్టు ఉండనివ్వండి… మీసం ఎందుకు తీశారు అనేది ఒక పెద్ద న్యూస్ అయిపొయిందని హాస్యాస్పదంగా చెప్పారు. ఫైనల్ గా నా మీసం నా ఇష్టం.. అని పెద్ద కౌంటర్ వేశారు నాగార్జున.
