యంగ్ రెబల్ స్టార్ ప్రభాస్ తన జీవితంలో ఇంతకన్నా బెస్ట్ సండే మరొకటి లేదని తన ఫేస్‌బుక్ పోస్టులో పేర్కొన్నాడు . డార్లింగ్ ప్రభాస్ అలా అనడానికి కారణం ఓ లేకపోలేదు.
ఎందుకంటే ప్రభాస్‌కి ప్రపంచవ్యాప్తంగా పేరు తీసుకొచ్చిన బాహుబలి 2 సినిమా మొట్టమొదటిసారిగా టెలివిజన్‌లో ప్రీమియర్ అయ్యేది ఇవాళే కనుక. అవును, బాహుబలికి ముందు ప్రభాస్ స్టార్ స్టేటస్ టాలీవుడ్‌కే పరిమితం. కానీ బాహుబలి తర్వాత ప్రభాస్ బాలీవుడ్‌లోనూ బడా స్టార్ అయిపోయాడు. అతడికి దేశవ్యాప్తంగా భారీ ఫ్యాన్ ఫాలోయింగ్ ఏర్పడింది.
ప్రభాస్‌కి అంత గొప్ప నేమ్, ఫేమ్ తీసుకొచ్చిన సినిమా మొదటిసారిగా ఇవాళ టీవీలో ప్రసారం కానుంది. అది కూడా ఏకంగా మూడు భాషలకి చెందిన బాహుబలి 2 వెర్షన్స్‌ని మూడు వేర్వేరు భాషలకి చెందిన ప్రాంతీయ భాషా టీవీ ఛానెల్స్ ఈరోజే ప్రసారం చేస్తున్నాయి. అందుకే ప్రభాస్‌కి ఈ సండే అంత ప్రత్యేకమైనదన్నమాట.
ఈరోజు బాహుబలి 2 వరల్డ్ వైడ్‌గా టీవీ ప్రీమియర్స్ ప్రసారం కానున్న నేపథ్యంలో “బాహుబలి 2 సినిమా మీ అందరికీ మంచి వినోదాన్ని పంచుతుందని ఆశిస్తున్నాను” అని ప్రభాస్ తన ఫేస్‌బుక్ పోస్టులో పేర్కొన్నాడు.
