ఢిల్లీ బ్యూటి తాప్సీ తన అందం అభినయంతో తెలుగు వారిని ఆకట్టుకుంది.ఇక తెలుగులో అగ్రహీరోలతో కలిసి నటించిన ఈ అమ్మడికి ఇంతవరకు సరైన హిట్ లేదు. ఒకే ఒక్క ‘మిస్టర్. పర్ ఫెక్ట్’ సినిమా తప్ప మిగిలిన సినిమాలన్నీ బాక్స్ ఆఫీస్ వద్ద యావరేజ్‌గా నిలిచాయి. దీంతో అదృష్టాన్ని పరీక్షించుకునేందుకు కొలీవుడ్‌,బాలీవుడ్‌లో అడుగు పెట్టింది ఈ అమ్మడు. కోలీవుడ్‌లో అంతగా కలిసిరాని ఈ అమ్మడు బాలీవుడ్‌లో మాత్రం సక్సెస్ కొట్టేసి మహా జోరు మీద ఉంది.
బాలీవుడ్ సినిమాలు ఆమెకు సక్సెస్ తో పాటు అవకాశాలను కూడా తెచ్చిపెడుతున్నాయి. ఈ నేపథ్యంలో ఆమె మరింత క్రేజ్ తెచ్చిపెట్టే పాత్రలను అంగీకరిస్తూ వెళుతోంది. అలా తాజాగా ఆమె ఓ బయోపిక్ లో చేయడానికి అంగీకరించింది. ప్రముఖ హాకీ ప్లేయర్ సందీప్ సింగ్ జీవితచరిత్ర ఆధారంగా ఒక సినిమా తెరకెక్కనుంది. ఈ పాత్రని దిల్జీత్ సింగ్ పోషించనున్నాడు. సందీప్ సింగ్ ప్రియురాలు కూడా హాకీ ప్లేయర్ కావడం విశేషం. ఆమె పాత్రలోనే తాప్సీ కనిపించనుంది.
ఈ పాత్రను పండించడం కోసం తాప్సీ హాకీలో నేర్చుకుంటుందాట. అందుకు సంబంధించిన ఫోటోలను ఆమె సోషల్ మీడియాలో అభిమానులతో షేర్ చేసుకుంది. ఈ సినిమా కూడా తనకి హిట్ తెచ్చిపెడుతుందనే తాప్సీ నమ్మకం నిజమవుతుందేమో చూడాలి.
When I saw my father’s hockey medals,never thought the dormant genes in me will b of any use,until now! #FlickerSingh #HockeyTrainingBegins pic.twitter.com/tBE2H9PKum
— taapsee pannu (@taapsee) October 4, 2017
