లాస్‌వెగాస్‌లో కాల్పుల కలకలం

అమెరికా పర్యటనకు వెళ్లిన తెలుగువాళ్లు లాస్ వెగాస్‌లో చిక్కుకున్నారు.లాస్‌ వేగాస్‌లోని మండేలా బే హోటల్ పక్కనే ఉన్న బెలిజియా హోటల్‌లోజరిగిన కాల్పుల్లో  మన తెలుగువాళ్లు చిక్కుకున్నారు. అమెరికా కాలమానం ప్రకారం ఆదివారం రాత్రి మ్యూజిక్ ఫెస్టివల్‌లో కాల్పులు జరిగాయి. ఈ కాల్పుల్లో 50 మంది మృతి చెందగా, మరో 200 మందికి  తీవ్ర గాయాలయ్యాయి. కాల్పులకు పాల్పడిన దుండగుడిని పోలీసులు కాల్చి చంపారు. పోలీసులు ఘటనా స్థలాన్ని ఆధీనంలోకి తీసుకుని క్షుణ్ణంగా పరిశీలిస్తున్నారు. కాల్పుల ఘటనతో లాస్‌ వేగాస్‌లో పోలీసులు హై అలర్ట్ ప్రకటించారు.