చందమామ కాజల్ వరుస ఆఫర్స్ తో మళ్లీ బిజీ అయ్యింది. చిరు తో “ఖైదీ నెం 150” తో సక్సెస్ అందుకున్న కాజల్ ,మరో రీమేక్ చేయనుంది కానీ ఈ సారి తమిళ్ లో. తమిళం లో రీమేక్ కాబోతున్న ‘క్వీన్‌’ చిత్రం లో హీరోయిన్ గా ఛాన్స్ కొట్టేసింది. మొన్నటి వరకు తమన్నా నటిస్తుందని ప్రచారం జరిగిన , తాజాగా ఆ ఆఫర్ మాత్రం కాజల్ కు దక్కింది.త్వరలోనే సినిమా షూటింగ్‌ కూడా మొదలు కాబోతోందట.దర్శక నిర్మాతలు ఈ కథలో కొన్ని మార్పులు చేయాలని ఆలోచిస్తున్నారట.
తమిళ ప్రేక్షకులకు దగ్గరగా ‘రాణి’ పాత్రను మార్చడానికి ప్రయత్నిస్తున్నట్లు సమాచారం. ఈ సందర్భంగా కాజల్ ఆనందం వ్యక్తం చేసింది. ‘మాతృక నాకు చాలా నచ్చింది. కానీ చాలా ఏళ్ల క్రితం దీన్ని తెరకెక్కించారు. కాబట్టి ఇప్పటి ప్రేక్షకులకు తగ్గట్టు ఆ కథలో మార్పులు చేయాలి. దక్షిణాధికి సరిపోయేలా ‘క్వీన్‌’లో సొంతంగా మార్పులు చేయాలని నిర్మాతలు, నేను అనుకున్నాం. కథ అలానే ఉంటుంది, కానీ ట్రీట్‌మెంట్‌ కొత్తగా ఉంటుంది. ఈ పాత్రకు నా నిజజీవిత స్వభావాన్ని కూడా జత చేస్తా’ అని ఆమె చెప్పుకొచ్చింది.
