బాక్స్ ఆఫీస్‌ దగ్గర పాజిటివ్‌ టాక్‌ పవర్ ఏంటో మరోసారి రుజువు చేస్తూ శేఖర్‌ కమ్ముల డైరెక్షన్ లో వరుణ్‌ తేజ్‌, సాయిపల్లవి కాంబినేషన్‌ లో తెరకెక్కిన లేటెస్ట్ మూవీ ఫిదా బాక్స్ ఆఫీస్‌ దగ్గర సూపర్‌ డూపర్‌ స్ట్రాంగ్‌ గా కొనసాగుతూ దుమ్ము రేపే కలెక్షన్స్ తో సంచలనం సృష్టిస్తోంది. ఈ సినిమా విడుదలై నెలరోజులైనా ఇప్పటికీ ఈ సినిమాను ప్రేక్షకులు ఆదరిస్తూనే ఉన్నారు. హైదరాబాదులోని మాస్ సెంటర్లగా ప్రఖ్యాత గాంచిన ఆర్టీసి క్రాస్ రోడ్స్ లో కొన్ని ధియేటర్లు ఉన్నాయి.
సుదర్శన్.. దేవి.. సంధ్య.. మయూరి.. సప్తగిరి.. శాంతి.. అక్కడ బాగా ఫేమస్. వాటిలో కేవలం మంగళవారం సాయంత్రం మొదటి ఆటకు వచ్చిన కలక్షన్లను చూస్తే మనం ఆశ్చర్యపోవాల్సిందే. ఈ మద్య విడుదలైన ఆనందో బ్రహ్మ సినిమా 45వేల కలెక్షన్స్ వసూలు చేయగా ఫిదా సినిమా 34వేల రూపాయల కలెక్షన్స్‌ను వసూలు చేసింది. ఇక్కడ మరో విషయం ఏమిటంటే.. ఫిదా సినిమా తర్వాత రిలీజైన లై, జయజానకి నాయక సినిమాలు అంతగా ప్రేక్షకాదరణ పొంద లేకపోయాయి. లై సినిమా కేవలం 11వేలు మాత్రమే వసూలు చేస్తే, జయజానకి నాయకా 26వేలు వసూలు చేసింది.
