తన అంద చందాలతోనే కాదు, గుణగణాలతోను ఇప్పటికీ తెలుగు వారి గుండెల్లో చిరస్థాయిగా నిలిచిన నటి మహానటి సావిత్రి. అందానికే అసూయ పుట్టేలా ఉన్న సావిత్రి ఎన్టీఆర్- ఏఎన్‌ఆర్ వంటి స్టార్ హీరోల సరసన నటించిన కూడా తనకంటూ ప్రత్యేక గుర్తింపు తెచ్చుకుంది. ఈ మహానటి రీల్ లైఫ్‌లోనే కాదు రియల్ లైఫ్‌లోను ఎందరికో ఆసరాను అందించింది. ఇప్పుడు ఆ మహానటి జీవితం ఆధారంగా ఓ మూవీ ని తీస్తున్నాడు డైరెక్టర్ నాగ్ అశ్విన్.
ఇందులో సమంత తో పాటు కీర్తి సురేష్ ముఖ్య పాత్రలలో నటించనున్నారు. ఆ చిత్రంలో ఇప్పటికే పాత్రాలన్నింటిని సెలెక్ట్ చేసింది చిత్ర యూనిట్. సావిత్రిగా – కీర్తి సురేష్.. అలాగే సావిత్రి భర్త అయిన జెమిని గణేషన్ పాత్రలో దుల్కర్ సల్మాన్ కనబడుతున్నారు. ఇక సావిత్రి జీవితాన్ని ఒక దారిలో నడిపించిన ఓ వ్యక్తి పాత్రకు విలక్షణ నటుడు అయిన ప్రకాశ్ రాజ్ ని సెలెక్ట్ చేశారు. ఆయన చేయబోయే పాత్ర ఎవరిదో కాదు. సావిత్రి జీవితాన్ని ఒక్కసారిగా మార్చిన ఓ నిర్మాత క్యారెక్టర్.
అనేక చిత్రాలకు బి.నాగిరెడ్డి గారితో సహ నిర్మాతగా కొనసాగిన అల్లూరి చక్రపాణి గారు. ప్రస్తుతం సెలెక్టివ్ గా సినిమాలు చేస్తున్న ప్రకాష్ రాజ్, ఎక్కువగా సేవాకార్యక్రమాల మీద దృష్టి పెట్టారు. అలాగే నిర్మాతగా, దర్శకుడిగా సినిమాలు రూపొందిస్తూ బిజీగా ఉన్నారు.
