హీరో నితిన్ పవర్ స్టార్ పవన్ కళ్యాణ్ కు వీరాభిమాని అన్న సంగతి మనకు తెలిసిందే. సినిమా ఫంక్షన్స్ లో పవన్ పై తన అభిమానాన్ని చాలా సార్లు బహిరంగంగానే చాటుకున్నాడు నితిన్. పవన్ కు కూడా నితిన్ అంటే చాలా అభిమానం. తన ఫ్యామిలీ హీరోల ఫంక్షన్లకు మిస్ అయ్యి నితిన్ సినిమాల వేడుకల్లో మాత్రం తరుచూ కనిపిస్తుంటాడు. అయితే ఇప్పుడు నితిన్ కథానాయకుడిగా నటిస్తున్న లై సినిమా ప్రీ రిలీజ్ ఫంక్షన్ త్వరలో జరగనుంది.
ఈ ఫంక్షన్‌కు ముఖ్య అతిథిగా పవన్ కల్యాణ్‌ హాజరవుతారని అంతా భావించారు. కానీ లై సినిమా ప్రీ రిలీజ్ ఫంక్షన్‌కు ముఖ్య అతిథిగా ప్రిన్స్ మహేష్ బాబు హాజరవుతున్నట్టు తెలుస్తోంది. 14 రీల్స్ సంస్థ లై సినిమాను చాలా ప్రెస్టీజియస్ గా తీసుకుంటోంది. నితిన్ కెరీర్ లోనే భారీ బడ్జెట్ తో తయారైన ఈ సినిమా ఈ నెల 11న విడుదల కు రెడీ అవుతోంది. అందుకు అనుగుణంగా త్వరలో ప్రీ రిలీజ్ ఫంక్షన్ జరపాలని డిసైడ్ అయింది. అయితే ఈ ఫంక్షన్ సూపర్ గా వుండాలన్నా, సినిమాకు మరింత బజ్ రావాలన్నా, దానికి సూపర్ అట్రాక్షన్ ఒకటి తోడు కావాలి. అలాంటి స్టార్ అట్రాక్షన్ కోసం ఇప్పుడు 14 రీల్స్ అధినేతలు ప్రయత్నిస్తున్నట్లు తెలుస్తోంది.
14 రీల్స్ సంస్థతో మహేష్ బాబుకు మాంచి అనుబంధం వుంది. అందుకే తమ అడియో ఫంక్షన్ కు ఛీఫ్ గెస్ట్ గా రమ్మని 14 రీల్స్ అధినేతలు మహేష్ ను రిక్వెస్ట్ చేసినట్లు తెలుస్తోంది.14 రీల్స్ ఎంటర్ టైన్మెంట్స్ తో ఉన్న అనుబంధం కారణంగా మహేష్ ప్రీరిలీజ్ వేడుకకు వచ్చేందుకు అంగీకరించాడు. ప్రస్తుతం మహేష్ స్పైడర్ తో పాటు కొరటాల శివ సినిమాలతో బిజీగా ఉన్నాడు. అందుకే మహేష్ ఫ్రీ టైం చూసుకొని ప్రీ రిలీజ్ డేట్ ఇచ్చే ప్లాన్ లో ఉన్నారు లై యూనిట్.
