తెలంగాణ ప్రభుత్వం భారీగా ఐపీఎస్ అధికారులను బదిలీ చేస్తూ జీవో నంబర్ 1654 విడుదల చేసింది. మొత్తం 21 మంది ఐపీఎస్ అధికారులను బదిలీ చేస్తూ ఉత్తర్వులు జారీ చేసింది.
– హైదరాబాద్ పోలీస్ కమిషనర్ గా మహేష్ మురళీధర్ భగవత్ (1995 బ్యాచ్) నియమితులయ్యారు. ప్రస్తుతం డీజీపీ (ఎల్ అండ్ ఓ) గా ఉన్న ఆయన వీసీ సజ్జనార్ స్థానంలో బాధ్యతలు చేపట్టనున్నారు.
– డీజీపీ, మహిళా భద్రత, షీ టీమ్స్, భరోసాగా డా. సౌమ్య మిశ్రా (1994) నియమితులయ్యారు. ప్రస్తుతం జైళ్ల శాఖ డీజీగా ఉన్న ఆమెకు డీజీపీ (ఆర్గనైజేషన్), డీజీపీ (లీగల్) అదనపు బాధ్యతలు కూడా అప్పగించారు.
– జైళ్ల శాఖ డీజీగా స్వాతి లక్రా (1995) నియమితులయ్యారు. ప్రస్తుతం డీజీపీ (ఆర్గనైజేషన్) గా ఉన్న ఆమెకు డీజీపీ, హోంగార్డ్స్ అదనపు బాధ్యతలు కూడా ఇచ్చారు.
– ఏసీబీ డీజీగా చారు సిన్హా (1996) నియమితులయ్యారు. ప్రస్తుతం డీజీపీ, సీఐడీగా ఉన్న ఆమెకు డీజీపీ, సీఐడీ అదనపు బాధ్యతలు కూడా కొనసాగనున్నాయి.
– టీఎస్ ఆర్టీసీ వైస్ ఛైర్మన్ & ఎండీగా డా. అనిల్ కుమార్ (1996) నియమితులయ్యారు. ప్రస్తుతం డీజీపీ (ఆపరేషన్స్), గ్రేహౌండ్స్ & ఆక్టోపస్ గా ఉన్నారు. ఆయన వై. నాగిరెడ్డి స్థానంలో బాధ్యతలు తీసుకోనున్నారు.
– ఫైర్, డిజాస్టర్ రెస్పాన్స్, ఎమర్జెన్సీ & సివిల్ డిఫెన్స్ డీజీగా వీసీ సజ్జనార్ (1996) నియమితులయ్యారు. ఆయనకు డీజీ, ఎస్పీఎఫ్ అదనపు బాధ్యతలు కూడా ఇచ్చారు.
– సివిల్ సప్లైస్ కమిషనర్ & ఈవో ప్రిన్సిపల్ సెక్రటరీగా వై. నాగిరెడ్డి (1997) నియమితులయ్యారు. ఆయనకు సివిల్ సప్లైస్ కార్పొరేషన్ వీసీ & ఎండీ, కంట్రోలర్ ఆఫ్ లీగల్ మెట్రాలజీ అదనపు బాధ్యతలు కూడా అప్పగించారు.
– డీజీపీ (ఆపరేషన్స్), గ్రేహౌండ్స్ & ఆక్టోపస్ గా విక్రమ్ సింగ్ మాన్ (1998) నియమితులయ్యారు. ఆయనకు పోలీస్ హౌసింగ్ కార్పొరేషన్ డీజీపీ అదనపు బాధ్యతలు కూడా ఇచ్చారు.
Also Read:మోదీపై కాంగ్రెస్‌ నేత ప్రశంసలు!
– టీజీ-టీఎంఏఆర్ఎస్ డైరెక్టర్ గా ఎం. స్టీఫెన్ రవీంద్ర (1999) నియమితులయ్యారు.
– ఏడీజీపీ (ఎల్ అండ్ ఓ) గా అకున్ సభర్వాల్ (2001) నియమితులయ్యారు. ఆయనకు ఏడీజీపీ, కోఆర్డినేషన్, ఏడీజీపీ, టెక్నికల్ సర్వీసెస్ (టీ-స్పార్క్) అదనపు బాధ్యతలు కూడా ఇచ్చారు.
– ఏసీబీ డైరెక్టర్ గా ఎస్. చంద్రశేఖర్ రెడ్డి (2004) నియమితులయ్యారు.
– ఐజీ, మల్టీ జోన్-1 గా కార్తికేయ (2006) నియమితులయ్యారు. ఆయనకు డైరెక్టర్, ఐసీసీసీ అదనపు బాధ్యతలు కూడా ఇచ్చారు.
– ఐజీ, రైల్వేస్ గా కే. రమేష్ నాయుడు (2006) నియమితులయ్యారు.
– జాయింట్ డైరెక్టర్, రోడ్ సేఫ్టీ & జాయింట్ డైరెక్టర్, ట్రాఫిక్, టీజీ-టీఎంఏఆర్ఎస్ గా డి. జోయల్ డేవిస్ (2010) నియమితులయ్యారు. ఆయనకు హైదరాబాద్ సిటీ జాయింట్ సీపీ, ట్రాఫిక్ అదనపు బాధ్యతలు కొనసాగనున్నాయి.
– డీఐజీ, జోన్-7, జోగులాంబ అదనపు బాధ్యతలు జి. చందన దీప్తి (2012) కు అప్పగించారు.
ఇతర అధికారులకు కూడా అదనపు బాధ్యతలు అప్పగిస్తూ ప్రభుత్వ ప్రధాన కార్యదర్శి సంజయ్ జాజు ఉత్తర్వులు జారీ చేశారు.