TTD:తిరుమలలో భక్తుల రద్దీ

6
- Advertisement -

తిరుమల శ్రీవారి దర్శనానికి భక్తుల రద్దీ కొనసాగుతోంది. వైకుంఠం క్యూ కాంప్లెక్స్‌లోని 30 కంపార్ట్‌మెంట్లలో భక్తులు స్వామివారి దర్శనం కోసం వేచి ఉన్నారు. టోకెన్లు లేని భక్తులకు శ్రీవారి సర్వదర్శనం కల్పించేందుకు సుమారు 15 గంటల సమయం పడుతోంది. దీంతో భక్తులు ఓపికగా వేచి ఉండి స్వామివారిని దర్శించుకుంటున్నారు.

మరోవైపు, తిరుమలలో భక్తుల రద్దీ కొనసాగుతున్నప్పటికీ శ్రీవారి దర్శనానికి పెద్ద సంఖ్యలో భక్తులు తరలివస్తున్నారు. నిన్న ఒక్కరోజే మొత్తం 85,369 మంది భక్తులు శ్రీవారిని దర్శించుకున్నారు. అలాగే 26,414 మంది భక్తులు తలనీలాలు సమర్పించి మొక్కులు చెల్లించుకున్నారు.

శ్రీవారిపై భక్తులు తమకున్న భక్తిని కానుకల రూపంలో చాటుకున్నారు. హుండీ ద్వారా నిన్న ఒక్కరోజే రూ.4.13 కోట్ల ఆదాయం లభించింది. భక్తుల రద్దీ నేపథ్యంలో టీటీడీ అధికారులు దర్శన ఏర్పాట్లను పర్యవేక్షిస్తున్నారు.

Also Read:FMCG:సామాన్యులకు మరో షాక్‌..

- Advertisement -