ప్రియమైన నాయకుడికి శుభాకాంక్షలు: సమంత

నేడు కేటీఆర్ పుట్టినరోజు కావడంతో ఆయనకు ట్విట్టర్‌లో శుభాకంక్షలు తెలిపింది సమంత. ‘‘అత్యంత ప్రియమైన నాయకుడికి శుభాకాంక్షలు. నిజమైన స్ఫూర్తి, నమ్మకం కలిగించే మీతో పరిచయం ఏర్పడడం గౌరవంగా భావిస్తున్నా సర్’’ అని సమంత ట్వీట్ చేసింది.

సమంత ట్వీట్‌పై మంత్రి కేటీఆర్ స్పందిస్తూ.. సినీ నటి సమంత పొగడ్తల వర్షం కురింపించారు. ‘‘మా చేనేత ప్రచారకర్తకు చాలా ధన్యవాదాలు. మీ ఫోకస్, డెడికేషన్‌తో నూతన ఉత్తేజాన్ని తీసుకొచ్చారు. వొవెన్2017(చేనేత వస్త్రాల ఫ్యాషన్ షో) కోసం ఎదురు చూస్తున్నా.’’ అని రిప్లయ్ ఇచ్చారు. అందుకు సమంత ప్రతిస్పందిస్తూ ‘ధన్యవాదాలు సర్’ అని ముగించింది.

తెలంగాణ చేనేత వస్త్రాలకు సమంతను బ్రాండ్ అంబాసిడర్‌గా నియమించిన విషయం తెలిసిందే. సమంత చేనేత వస్త్రాలు ధరించి ఇటీవల ఓ మ్యాగజైన్‌ కోసం చేసిన ఫొటోషూట్ సోషల్‌మీడియాలో వైరల్ అయిన విషయం తెలిసిందే.