ఛానెళ్లపై నిషేధం..ట్రంప్ టీవీ ప్రారంభం

అమెరికా అధ్యక్షుడు డోనాల్డ్ ట్రంప్ మరియు ఆ దేశ ప్రముఖ వార్తా సంస్థల నడుమ వివాదం తీవ్ర రూపం దాల్చింది. సీఎన్ఎన్ (CNN), పొలిటికో (Politico), మరియు ఎమ్‌ఎస్ నౌ (MS NOW) వంటి దిగ్గజ మీడియా సంస్థల పాత్రికేయులపై వైట్‌హౌస్ ఆంక్షలు విధిస్తూ వారి ప్రవేశాన్ని నిషేధించింది. ఈ పరిణామాల మధ్యే, అమెరికా అధ్యక్షుడు తన సొంత ప్రసార వేదికగా ‘ట్రంప్ టీవీ’ (TRUMP TV: The Essentials Station) పేరుతో 24/7 డిజిటల్ స్ట్రీమింగ్ ప్లాట్‌ఫారమ్‌ను వైట్‌హౌస్ అధికారికంగా ప్రారంభించింది.

వైట్‌హౌస్ అధికారిక యూట్యూబ్ (YouTube) ఛానెల్‌ ద్వారా ఈ 24/7 లైవ్ స్ట్రీమింగ్ సేవలను అందుబాటులోకి తెచ్చారు. అధ్యక్షుడి నిర్ణయాలు, ప్రధాన ప్రసంగాలు, కీలక ప్రకటనలు మరియు ప్రభుత్వ నవీకరణలను ఎప్పటికప్పుడు ఈ ఛానెల్ ద్వారా నేరుగా ప్రజలకు చేరవేయనున్నారు.

అమెరికా 47వ అధ్యక్షుడిగా డోనాల్డ్ ట్రంప్ ప్రమాణస్వీకారం చేసిన దృశ్యాలతో పాటు, ఆయన ప్రసిద్ధ ప్రసంగాలను ప్రత్యక్ష ప్రసారం చేస్తూ ఈ సేవలను ప్రారంభించారు.అధ్యక్షుడు ట్రంప్ తమపై “ఫేక్ న్యూస్” ముద్ర వేస్తూ వైట్‌హౌస్ ప్రవేశాన్ని రద్దు చేయడాన్ని సవాలు చేస్తూ CNN, Politico, MS NOW సంస్థలు సంయుక్తంగా ఫెడరల్ కోర్టును ఆశ్రయించాయి.

Also Read:విద్యార్థులతో సీఎం విజయ్ బ్రేక్‌ఫాస్ట్