ఈస్ట్ జోన్ దూలేప్ ట్రోఫీ విజయం సాధించిన తర్వాత వైభవ్ సూర్యవంశీ చేసిన DRS ప్రయోగాలపై ఇషాన్ కిషన్ సరదాగా సవాలు విసిరాడు. రివ్యూలు తీసుకున్న కెప్టెన్కే ఎక్కువ క్రెడిట్ దక్కాలని ఇషాన్ ఫన్నీగా వ్యాఖ్యానించగా, తను రివ్యూ తీసుకుని సక్సెస్ అయిన ఒక సందర్భాన్ని గుర్తుచేస్తూ వైభవ్ దానికి అంతే సరదాగా సమాధానమిచ్చాడు. ఈ సందర్భంగా వైభవ్ జట్టు పట్ల చూపే సానుకూల వైఖరిని, అతడి క్రికెట్ ప్రతిభను ఇషాన్ ప్రశంసించాడు.
దూలేప్ ట్రోఫీ ప్రచారంలో ఈస్ట్ జోన్ తరఫున 15 ఏళ్ల వైభవ్ సూర్యవంశీ మూడు విజయవంతమైన DRS రివ్యూలలో కీలక పాత్ర పోషించి జట్టు విజయంలో కీలకపాత్ర పోషించాడు.దక్షిణ జోన్తో జరిగిన ఫైనల్ పోరులో విజయం సాధించిన అనంతరం, ఈస్ట్ జోన్ కెప్టెన్ ఇషాన్ కిషన్ మరియు వైభవ్ ఆ రివ్యూల గురించి మాట్లాడుకున్నారు. అంతిమంగా రివ్యూలు తీసుకునేది కెప్టెనే అయినప్పటికీ, వైభవ్కు దక్కాల్సిన దానికంటే ఎక్కువ ప్రాచుర్యం వచ్చిందని ఇషాన్ సరదాగా వ్యాఖ్యానించాడు.
ఆ రివ్యూల క్రెడిట్ను అందరూ ఇప్పటికే తీసేసుకున్నారు. నిజానికి రివ్యూ తీసుకోవాల్సింది నేనే అయినప్పటికీ, తను నడుచుకుంటూ వచ్చి సరదాగా ‘నేను నీ దగ్గరకు వస్తా అని చెప్పేవాడు. దాంతో సోషల్ మీడియాలో ‘వామ్మో, వైభవ్!’ అంటూ పోస్టులు పెట్టేశారు. ఆ పాత్రను వైభవ్ నిజంగా చాలా బాగా పోషించాడు అని కిషన్ నవ్వుతూ చెప్పాడు.అయితే ఇషాన్ చేసిన ఈ సరదా ఆరోపణను వైభవ్ ఊరికే వదిలేయలేదు. ఇషాన్ మైదానం బయట ఉన్నప్పుడు తాను బాధ్యత తీసుకుని విజయం సాధించిన ఒక రివ్యూ సంఘటనను గుర్తుచేశాడు. నువ్వు మైదానంలో లేనప్పుడు రివ్యూ ఎవరు తీసుకున్నారు మరి? ఆ విషయాన్ని కూడా నువ్వు చెప్పాలి కదా అని వైభవ్ మధ్యలోనే జోక్యం చేసుకుంటూ అన్నాడు.
వైభవ్ చెప్పిన మాటను కిషన్ అంగీకరించాడు. అంతేకాకుండా ఈ టీనేజర్ కేవలం మ్యాచ్ ప్రదర్శనలకే పరిమితం కాకుండా జట్టులో అంతకంటే ఎక్కువ భాగస్వామ్యాన్ని అందిస్తాడని తెలిపాడు. డ్రెస్సింగ్ రూమ్లో వైభవ్ ఎంతో సానుకూల వాతావరణాన్ని తెస్తాడని, జూనియర్, సీనియర్ అనే తేడా లేకుండా సహచర ఆటగాళ్లందరినీ బాగా చూసుకుంటాడని ప్రశంసించాడు.
Also Read:ప్రోటీన్ పౌడర్లో పురుగులు..నటి ఫిర్యాదు!
When the Captain and Vice-Captain meet, you can expect a whole lot of fun and banter! 😄
A wholesome chat between Ishan Kishan and Vaibhav Sooryavanshi post East Zone’s memorable #DuleepTrophy triumph 🏆👏 – By @jigsactin #EZvSZ | @ishankishan51 pic.twitter.com/3kRQC6pVT4
— BCCI Domestic (@BCCIdomestic) September 11, 2026