ఇరాన్ చమురు మరియు పెట్రోకెమికల్ వ్యాపార శృంఖలాన్ని లక్ష్యంగా చేసుకుని అమెరికా చేపట్టిన భారీ ‘ఆపరేషన్ ఎకనామిక్ అవుట్కాస్ట్’ చర్యలలో భాగంగా నాలుగు భారతీయ కంపెనీలపై అమెరికా విదేశాంగ మరియు ఆర్థిక శాఖలు ఆంక్షలు విధించాయి.
ఇరాన్ ప్రభుత్వంపై ఆర్థిక ఒత్తిడిని పెంచడంలో భాగంగా అమెరికా అంతర్జాతీయంగా అనేక కంపెనీలపై ఆంక్షలు అమలు చేసింది. అందులో భారతదేశానికి చెందిన నాలుగు కంపెనీలు కూడా ఉన్నాయి.
ఈ సంస్థలు ఇరాన్ ఇంధన రంగానికి సహాయపడటంతో పాటు, చమురు మరియు పెట్రోకెమికల్ ఉత్పత్తుల విక్రయాలు, రవాణాలో భాగస్వామ్యం వహించాయని అమెరికా ఆరోపించింది.ఆంక్షలు ఎదుర్కొంటున్న కంపెనీల అమెరికా ఆస్తులను స్తంభింపజేయడంతో పాటు, అమెరికా పౌరులు లేదా సంస్థలు ఈ కంపెనీలతో ఎలాంటి వ్యాపార లావాదేవీలు జరపకుండా నిషేధం విధించారు.
గ్లోబల్ ఆంక్షల నిబంధనలను ఉల్లంఘించే విదేశీ కంపెనీలపై కఠిన చర్యలు ఉంటాయని అమెరికా విదేశాంగ శాఖ ఈ సందర్భంగా హెచ్చరించింది.
Also Read:కర్ణాటకలో H1N1 విజృంభణ