మెగాస్టార్ చిరంజీవి నటిస్తున్న మోస్ట్ అవేటెడ్ సోషియో ఫాంటసీ చిత్రం ‘విశ్వంభర’ అక్టోబర్ 16, 2026 న థియేటర్లలోకి వచ్చేందుకు సిద్ధమవుతోంది. ఇదే గనుక ఖరారైతే, దసరా వీకెండ్లో ఈ సినిమా రజనీకాంత్ నటిస్తున్న ‘జైలర్ 2’తో బాక్సాఫీస్ వద్ద తలపడనుంది. ‘బింబిసార’ ఫేమ్ మల్లిడి వశిష్ట దర్శకత్వంలో మెగాస్టార్ చిరంజీవి నటిస్తున్న ఈ ప్రతిష్టాత్మక చిత్రంపై భారీ అంచనాలు ఉన్నాయి. వీరిద్దరి కాంబినేషన్లో వస్తున్న మొదటి సినిమా ఇది. చాలా కాలంగా నిర్మాణంలో ఉన్న ఈ భారీ బడ్జెట్ ప్రాజెక్ట్ ఇప్పుడు దసరా కానుకగా విడుదల కాబోతోందని సమాచారం.
‘విశ్వంభర’ చిత్రాన్ని అక్టోబర్ 16, 2026 న థియేటర్లలో విడుదల చేసే అవకాశం ఉంది. చిత్ర బృందం నుండి ఇంకా ఎలాంటి అధికారిక ప్రకటన రానప్పటికీ, ఈ విడుదల తేదీ వార్త మెగా అభిమానుల్లో కొత్త ఉత్సాహాన్ని నింపింది.’విశ్వంభర’ సినిమా అనౌన్స్ చేసినప్పటి నుండి అంచనాలు భారీగా ఉన్నాయి, ముఖ్యంగా ఇందులో సృష్టించిన ఫాంటసీ ప్రపంచం, గ్రాఫిక్స్ విజువల్స్ అద్భుతంగా ఉండబోతున్నాయని టాక్. ఈ విజువల్ ఎఫెక్ట్స్ (VFX) పనుల కోసమే చిత్ర యూనిట్ ఎక్కువ సమయం తీసుకుంది.
ప్రస్తుతం వస్తున్న నివేదికల ప్రకారం..మేకర్స్ ఈ చిత్రాన్ని దసరా పండుగ సీజన్ను టార్గెట్ చేస్తూ అక్టోబర్ 16, 2026 న విడుదల చేయాలని భావిస్తున్నారు. తెలుగు సినీ పరిశ్రమలో దసరా సీజన్ అనేది కలెక్షన్ల పరంగా అత్యంత అనుకూలమైన సమయంగా పరిగణించబడుతుంది. అయితే, దీనిపై చిత్ర బృందం నుండి అధికారిక స్పష్టత రావాల్సి ఉంది. ‘విశ్వంభర’ విడుదలయ్యే సమయంలోనే రజనీకాంత్ నటిస్తున్న ‘జైలర్ 2’ కూడా థియేటర్లలోకి వచ్చే అవకాశం ఉంది. తమిళ సూపర్ స్టార్ నటిస్తున్న ఈ సీక్వెల్ కూడా దసరా విండోలోనే విడుదలను లక్ష్యంగా పెట్టుకుంది.
ఒకవేళ రెండు సినిమాలు ఒకే సమయంలో వస్తే, భారతీయ సినీ పరిశ్రమలోని ఇద్దరు అతిపెద్ద సూపర్ స్టార్ల మధ్య బాక్సాఫీస్ వద్ద భారీ పోటీ నెలకొనడం ఖాయం. ఇంకా ఏదీ అధికారికంగా ఖరారు కానప్పటికీ, చిరంజీవి, రజనీకాంత్ సినిమాలు ఒకేసారి థియేటర్లలోకి వచ్చే అవకాశం ఉండటం ఇరు హీరోల అభిమానుల్లో అప్పుడే ఆసక్తికరమైన చర్చకు దారితీసింది.
Also Read:ఇండోనేషియాకు ప్రధాని మోదీ
మల్లిడి వశిష్ట దర్శకత్వంలో భారీ విజువల్ ఎఫెక్ట్స్తో తెరకెక్కుతున్న ‘విశ్వంభర’ చిత్రం ప్రేక్షకులకు ఒక సరికొత్త ఫాంటసీ అనుభూతిని ఇస్తుందని భావిస్తున్నారు. ఈ చిత్రం నిజంగానే అక్టోబర్ 16న విడుదలవుతుందా లేదా అనే విషయపై మేకర్స్ అధికారికంగా స్పందించే వరకు వేచి చూడాల్సిందే.