చైనాకు చెందిన మొబైల్ తయారీ సంస్థ షియోమీ సంస్థ భారత్‌ వినియోగదారులకు బంప‌ర్ ఆఫర్ ప్రకటించింది. తన ఎంఐ బ్రాండ్‌ను ప్రారంభించి మూడేళ్లు అవుతున్న శుభసందర్భంగా రెండు రోజులపాటు ప్రత్యేక సేల్ నిర్వహించనున్నట్టు తెలిపింది.
గురు, శుక్రవారాల్లో నిర్వహించే ఈ సేల్‌లో కంపెనీ యాక్సెసరీలతోపాటు రెడ్మీ 4, రెడ్మీ నోట్ 4 స్మార్ట్‌ఫోన్లు, సరికొత్త పవర్ బ్యాంకులను అందుబాటులో ఉంచనున్నట్టు తెలిపింది.
అలాగే 20, 21 తేదీల్లో ఉదయం 11 గంటలకు, మధ్యాహ్నం ఒంటిగంటకు ఫ్లాష్ సేల్ నిర్వహించనున్నట్టు పేర్కొంది. ఫ్లాష్‌సేల్‌లో భాగంగా రూపాయికే రెడ్మీ 4ఎ, వై-ఫై రిపీటర్ 2, 10,000 ఎంఏహెచ్ పవర్ బ్యాంకు 2 తదితర వాటిని సొంతం చేసుకోవచ్చు.
గోఇబిబో ద్వారా దేశయంగా హోటల్స్ బుక్ చేసుకున్న వారికి రూ.2వేల రాయితీ ఇవ్వనున్నట్టు ప్రకటించింది. ఎస్‌బీఐ డెబిట్, క్రెడిట్ కార్డులతో కొనుగోలు చేసే వారికి అదనంగా 5శాతం క్యాష్ బ్యాక్, రూ.8వేలకు పైన కొనుగోలు చేస్తే ఒక్కో కార్డుపై రూ.500 క్యాష్‌బాక్ ఆఫర్ ప్రకటించింది.
