తెలంగాణ ఎగ్జిబిటర్ల సమస్యలపై మెగాస్టార్ చిరంజీవితో ఫిల్మ్ ఛాంబర్ ప్రతినిధులు సుదీర్ఘ చర్చలు జరిపారు. ఈ చర్చలు సత్ఫలితాలను ఇవ్వడంతో ‘పెద్ది’ సినిమా విడుదలకు ఉన్న అడ్డంకులన్నీ తొలగిపోయి లైన్ క్లియర్ అయింది. పరిశ్రమలోని వివాదాలను పరిష్కరించడానికి చిరంజీవి తీసుకున్న చొరవ పట్ల చిత్ర పరిశ్రమ హర్షం వ్యక్తం చేస్తోంది.
ఈ సందర్భంగా తెలుగు ఫిల్మ్ ఛాంబర్ ఏర్పాటు చేసిన ప్రత్యేక సబ్ కమిటీ సమావేశాలను, వాటి పురోగతిని తానే స్వయంగా పర్యవేక్షిస్తానని చిరంజీవి హామీ ఇచ్చారు. ఎగ్జిబిటర్లు, నిర్మాతలకు మధ్య ఉన్న సమస్యలను సామరస్యపూర్వకంగా పరిష్కరించేందుకు ఆయన పూర్తి మద్దతు ప్రకటించారు. మెగాస్టార్ రంగంలోకి దిగడంతో ఇరు వర్గాల మధ్య సయోధ్య కుదిరింది.
మరోవైపు, థియేటర్ల నిర్వహణలో కీలక మార్పును తెలుగు ఫిల్మ్ ఛాంబర్ ఆఫ్ కామర్స్ ప్రకటించింది. జూలై 3వ తేదీ నుండి థియేటర్లలో పాత రెంట్ సిస్టమ్ పూర్తిగా రద్దు కానుంది. ఆ తర్వాత విడుదలయ్యే అన్ని సినిమాలు కేవలం పర్సంటేజీ పద్ధతిలోనే ప్రదర్శించబడతాయని ఛాంబర్ స్పష్టం చేసింది. ఈ నిర్ణయం పరిశ్రమలో కొత్త మార్పులకు శ్రీకారం చుట్టబోతోంది.
Also Read:పద్మనాభస్వామి ఆలయంలో వజ్రాలు మాయం!