కేరళం నూతన ముఖ్యమంత్రిగా ప్రమాణ స్వీకారం చేసిన వెంటనే వి.డి. సతీశన్ తన పరిపాలనా పగ్గాలను వేగంగా చేపట్టారు. పదవీ బాధ్యతలు స్వీకరించిన కొద్దిసేపటికే ఆయన తిరువనంతపురంలో నూతన మంత్రిమండలితో కలిసి తొలి క్యాబినెట్ సమావేశాన్ని నిర్వహించారు.
ఈ సమావేశంలో నూతనంగా ప్రమాణ స్వీకారం చేసిన మంత్రులందరూ పాల్గొన్నారు. రాష్ట్ర ప్రజలకు ఇచ్చిన ఎన్నికల హామీల అమలు, పరిపాలనా సంస్కరణలు మరియు రాబోయే రోజుల్లో ప్రభుత్వం అనుసరించాల్సిన ప్రాధాన్యతలపై ఈ తొలి సమావేశంలో ప్రాథమికంగా చర్చించినట్లు తెలుస్తోంది.
అంతకుముందు, తిరువనంతపురంలోని సెంట్రల్ స్టేడియంలో జరిగిన ఒక ఘనమైన వేడుకలో కాంగ్రెస్ సీనియర్ నాయకుడు వి.డి. సతీశన్ కేరళ ముఖ్యమంత్రిగా ప్రమాణ స్వీకారం చేశారు. ఈ చారిత్రాత్మక కార్యక్రమానికి కాంగ్రెస్ జాతీయ అధ్యక్షుడు మల్లికార్జున ఖర్గే, లోక్సభ ప్రతిపక్ష నేత రాహుల్ గాంధీ, కాంగ్రెస్ ఎంపీ ప్రియాంకా గాంధీ వాద్రాతో పాటు దేశంలోని పలువురు ప్రముఖ రాజకీయ నాయకులు హాజరై నూతన ప్రభుత్వానికి శుభాకాంక్షలు తెలిపారు.
Also Read:చైనాలో పుతిన్ పర్యటన