ప్రపంచ ప్రఖ్యాతి గాంచిన పాప్ సింగర్ బ్రిట్నీ స్పియర్స్ మరోసారి వార్తల్లో నిలిచారు. అయితే ఈసారి ఆమె తన పాటలతో కాకుండా, ఒక వివాదాస్పద కేసులో జైలు శిక్షకు గురై అభిమానులను దిగ్భ్రాంతికి గురిచేశారు. డ్రంక్ అండ్ డ్రైవ్ కేసులో ఆమెపై మోపబడిన నేరం నిరూపణ కావడంతో కాలిఫోర్నియా న్యాయస్థానం ఈ తీర్పు వెలువరించింది.
కొంతకాలం క్రితం దక్షిణ కాలిఫోర్నియాలో బ్రిట్నీ స్పియర్స్ మద్యం తాగి వాహనం నడుపుతూ పట్టుబడ్డారు. పరిమితికి మించి మద్యం సేవించి వాహనాన్ని అదుపులేకుండా నడపడం ద్వారా ట్రాఫిక్ నిబంధనలను ఉల్లంఘించడమే కాకుండా, ఇతరుల ప్రాణాలకు ముప్పు కలిగించారనే ఆరోపణలు ఆమెపై వచ్చాయి.
ఈ కేసుకు సంబంధించి సుదీర్ఘంగా జరిగిన విచారణలో, ప్రాసిక్యూషన్ బలమైన సాక్ష్యాధారాలను కోర్టు ముందు ఉంచింది. తొలుత ఈ ఆరోపణలపై మౌనంగా ఉన్న బ్రిట్నీ, చివరికి తనపై వచ్చిన అభియోగాన్ని న్యాయస్థానం ఎదుట అంగీకరించారు. తాను మద్యం తాగి వాహనం నడిపిన మాట వాస్తవమేనని ఆమె స్టేట్మెంట్ ఇచ్చారు.
నేర నిరూపణ కావడంతో న్యాయమూర్తి బ్రిట్నీకి జైలు శిక్షను ఖరారు చేశారు.డ్రంక్ అండ్ డ్రైవ్ నిబంధనల ప్రకారం ఆమెకు జైలు శిక్షతో పాటు భారీ జరిమానా కూడా విధించే అవకాశం ఉంది.శిక్షా కాలంతో పాటు, ఆమెకు ఆల్కహాల్ పునరావాస కార్యక్రమాలకు హాజరు కావాలని కోర్టు ఆదేశించే అవకాశం ఉందని సమాచారం.
Also Read:‘గాంధీ బజార్’లో బాబిల్ ఖాన్
బ్రిట్నీ స్పియర్స్ గత కొంతకాలంగా తన వ్యక్తిగత జీవితంలో అనేక ఒడిదుడుకులను ఎదుర్కొంటున్నారు. తన తండ్రి సంరక్షణ నుండి విముక్తి పొందిన తర్వాత ఆమె కెరీర్ మళ్లీ పుంజుకుంటుందని ఆశించిన అభిమానులకు, ఈ తాజా పరిణామం తీవ్ర నిరాశను మిగిల్చింది.