ఇస్లామాబాద్లో ఇరాన్తో జరిగిన సుదీర్ఘ చర్చల మొదటి దశ ముగిసిన తర్వాత, ఆదివారం జేడీ వాన్స్ మాట్లాడుతూ.. చర్చల్లో కొంత పురోగతి లభించిందని, అయితే తుది ఒప్పందం ఇంకా కుదరలేదని తెలిపారు.
మధ్యప్రాచ్యంలో ఉద్రిక్తతలను తగ్గించే చర్యలపై ఇరాన్తో చర్చలు జరుపుతున్న క్రమంలో, అమెరికా ఉపాధ్యక్షుడు జేడీ వెన్స్ మంగళవారం వాషింగ్టన్ యొక్క ‘రెడ్ లైన్స్’ (గీచిన గీతలను) స్పష్టంగా వివరించారు. ఫాక్స్ న్యూస్తో మాట్లాడిన వెన్స్.. ప్రెసిడెంట్ డోనాల్డ్ ట్రంప్ అమెరికా డిమాండ్లను స్పష్టం చేశారని పేర్కొన్నారు. ఇరాన్ తన వద్ద ఉన్న సుసంపన్నమైన యురేనియం నిల్వలను అప్పగించాలని, ఆ నిల్వలను ఇరాన్ భూగర్భ కేంద్రాల్లో దాచి ఉంచిందని అమెరికా భావిస్తోందని ఆయన చెప్పారు.
అణు ఆయుధాలను తయారు చేసే ఉద్దేశం తమకు లేదని ఇరాన్ వాదిస్తున్నప్పటికీ, కచ్చితమైన ధృవీకరణ (verification) ఉండాలని అమెరికా పట్టుబడుతోందని వెన్స్ పేర్కొన్నారు. ఆయుధాల తయారీకి ఉపయోగపడే స్థాయిలో యురేనియంను సుసంపన్నం చేసే సామర్థ్యం ఇరాన్ వద్ద ఉండకూడదన్నదే ట్రంప్ ప్రధాన లక్ష్యమని ఆయన వెల్లడించారు.
ఇరాన్ ఎప్పటికీ అణు ఆయుధాలను కలిగి ఉండకూడదని ఆయన ఖచ్చితంగా చెప్పారు. ఇస్లామాబాద్లో జరిగిన కీలక చర్చల్లో ఈ విషయంలో పురోగతి సాధించామని, భవిష్యత్తులో ఇరాన్తో మరిన్ని సమావేశాలు జరిగే అవకాశం ఉందని ఆయన సూచించారు.
చర్చల్లో అంతా తప్పు జరిగిందని నేను అనను. కొన్ని విషయాలు ఆశించినట్లుగానే జరిగాయి. మేము చాలా పురోగతి సాధించాము. వారు మా వైపు మొగ్గు చూపారు, అందుకే మాకు కొన్ని మంచి సంకేతాలు కనిపించాయని నేను అనుకుంటున్నాను. కానీ, వారు ఆశించినంత ముందుకు రాలేదు అని ఆయన ఫాక్స్ న్యూస్కు తెలిపారు. ఇరాన్ ప్రతినిధి బృందంతో జరిగిన సమావేశాలు సానుకూల వాతావరణంలో జరిగాయని జేడీ వాన్స్ అభివర్ణించారు. అయితే, ఇరు దేశాల మధ్య ఇంకా అనేక ప్రధాన విభేదాలు ఉన్నాయని, అందుకే ఈ దశలో పూర్తిస్థాయి పరిష్కారం లభించలేదని స్పష్టం చేశారు.
Also Read:‘డెకాయిట్’..మంచి సినిమా తీశాం!
మేము గత 21 గంటలుగా ఇరాన్తో అనేక చర్చలు జరిపాము. ఇది శుభవార్త. అయితే, మేము ఒక ఒప్పందానికి చేరుకోలేకపోవడం గమనార్హం. ఇది అమెరికా కంటే ఇరాన్కే ఎక్కువ నష్టమని నేను భావిస్తున్నాను. మా షరతులను అంగీకరించకూడదని వారు నిర్ణయించుకున్నారు అన్నారు.