ఇరాన్ అధ్యక్షుడు పెజెష్కియన్ యుద్ధ పరిస్థితుల నేపథ్యంలో సంచలన ప్రకటన చేశారు. ప్రస్తుతం కొనసాగుతున్న ఉద్రిక్తతలకు ముగింపు పలకడానికి ఇరాన్ సిద్ధంగా ఉందని ఆయన వెల్లడించారు. అయితే యుద్ధానికి ముగింపు రావాలంటే కొన్ని కీలక షరతులను అంగీకరించాల్సిందేనని పేర్కొన్నారు.
సోషల్ మీడియా వేదికగా చేసిన ట్వీట్లో పెజెష్కియన్ మూడు ప్రధాన షరతులను వెల్లడించారు. మొదటగా, ఇరాన్కు ఉన్న హక్కులను ప్రపంచ దేశాలు అధికారికంగా గుర్తించాలన్నారు. అంతర్జాతీయ వేదికలపై ఇరాన్ సార్వభౌమాధికారాన్ని గౌరవించాలని ఆయన స్పష్టం చేశారు.
రెండవ షరతుగా, యుద్ధం సమయంలో జరిగిన దాడుల వల్ల ఇరాన్కు కలిగిన ఆర్థిక, మౌలిక సదుపాయాల నష్టానికి పరిహారం చెల్లించాలని ఆయన డిమాండ్ చేశారు. దాడుల వల్ల దేశానికి భారీ నష్టం జరిగిందని, దీనికి బాధ్యులైన వారు పరిహారం ఇవ్వాలని పేర్కొన్నారు.
మూడవ షరతుగా, భవిష్యత్తులో ఇరాన్పై ఎలాంటి దాడులు జరగకుండా అంతర్జాతీయ హామీ ఇవ్వాలని కోరారు. శాంతి కోసం ఇరాన్ ఎప్పుడూ సిద్ధంగానే ఉంటుందని, కానీ దేశ గౌరవం మరియు హక్కుల విషయంలో రాజీ పడబోమని పెజెష్కియన్ తెలిపారు.
ఇరాన్ అధ్యక్షుడి ఈ ప్రకటన ప్రపంచవ్యాప్తంగా చర్చనీయాంశంగా మారింది. యుద్ధం ముగిసే అవకాశాలపై అంతర్జాతీయ సమాజం ఆసక్తిగా ఎదురుచూస్తోంది.
Also Read:ప్రజల కోరిక మేరకే ‘కేరళం’గా మార్పు!