సూపట్ స్టార్ మహేష్, స్టార్ డైరెక్టర్ మురుగదాస్ కలయికలో రూపొందుతున్న చిత్రం ‘స్పైడర్’. ఈ సినిమా షూటింగ్ చివరి దశకు చేరుకుంది. ప్రస్తుతం పాటల షూటింగ్ జరుగుతుండగా టీమ్ పోస్ట్ ప్రొడక్షన్ పనుల్ని వేగవంతం చేసింది. ఈ సినిమాను తెలుగుతో పాటు, తమిళం, హిందీలో కూడా భారీ స్థాయిలో రిలీజ్ చేస్తున్నారు. తమిళంలో మొదటిసారి మహేష్ సినిమా చేస్తుండడంతో మహేష్ స్వయంగా తమిళంలో డబ్బింగ్ చెబుతున్నట్టు సమాచారం. ఇక ఒకే షాట్ కు రెండు భాషల్లో డబ్బింగ్ చెప్పడం కాకుండా రెండు భాషలకు రెండు సార్లు సన్నివేశాల చిత్రీకరణ చేస్తున్నారట మురుగదాస్. అందుకే సినిమా పూర్తవడం ఆలస్యమైందని తెలుస్తోంది. మురుగదాస్ పాటిస్తున్న ఈ ఖచ్చితత్వం ముందు విడుదల ఆలస్యం పెద్ద విషయమేమీ కాదని అనిపిస్తోంది.
ఇక అభిమానులు ఎన్నో రోజుల నుండి ఎదురుచూస్తున్న చిత్ర టీజర్ ఈ జూలై నెలాఖరున వస్తున్నట్టు టాక్.. దర్శకుడు మురుగదాస్ అన్ని జాగ్రత్తలు తీసుకుని ఇటు తెలుగు, అటు తమిళ ప్రేక్షకులు ఇద్దర్నీ సంతృప్తిపరచే విధంగా సినిమాను తెరకెక్కించినట్టు తెలిసింది. గ్లింప్స్‌ ఆఫ్‌ స్పైడర్ టీజర్ తో అందరి దృష్టినీ ఆకట్టుకున్న ఈ సినిమా జూన్‌లో విడుదలవాల్సి ఉండగా.. రిషూట్‌ వల్ల వాయిదాపడి సెప్టెంబర్ 27న వస్తోంది. మహేష్ ఇంటెలిజెంట్ బ్యూరో ఆఫీసర్ గా కనిపించనున్న ఈ భారీ బడ్జెట్ చిత్రంలో రకుల్ ప్రీత్ హీరోయిన్ గాను, ఎస్.జె సూర్య, భరత్ లు విలన్లుగాను కనిపించనున్నారు. హారీశ్ జైరాజ్ సంగీతం అందించారు.
