శ్రీశైలంలో నేటి నుంచి మకర సంక్రాంతి బ్రహ్మోత్సవాలు ఘనంగా జరగనున్నాయి. దేశంలోనే అత్యంత ప్రసిద్ధ శైవక్షేత్రాలలో ఒకటైన శ్రీశైలంలో ఈ ఉత్సవాలు భక్తుల సమక్షంలో ఆధ్యాత్మిక వైభవంగా జరగనున్నాయి. ఏడు రోజుల పాటు కొనసాగే ఈ బ్రహ్మోత్సవాల్లో ప్రతిరోజూ శ్రీ మల్లికార్జున స్వామి, భ్రమరాంబిక అమ్మవార్లకు ప్రత్యేక పూజలు, అభిషేకాలు, అలంకార సేవలు నిర్వహించనున్నారు.
ఉత్సవాల సందర్భంగా స్వామి, అమ్మవార్లు వివిధ వాహనాలపై ఆలయ పరిసరాల్లో భక్తులకు దర్శనం ఇవ్వనున్నారు. ఉదయం, సాయంత్రం వేళల్లో ప్రత్యేక ఆరాధనలు, వేడుకలు జరగనున్నాయి. మకర సంక్రాంతి పర్వదినాన్ని పురస్కరించుకుని ఆలయంలో భక్తుల రద్దీ ఎక్కువగా ఉండే అవకాశం ఉన్నందున, దర్శన సౌకర్యాలు మరింత మెరుగుపరిచారు.
ఈ బ్రహ్మోత్సవాల నిర్వహణకు ఆలయ ఈవో, దేవస్థానం అధికారులు ఇప్పటికే అన్ని ఏర్పాట్లు పూర్తి చేశారు. భక్తులకు ఎలాంటి అసౌకర్యాలు కలగకుండా భద్రత, పారిశుధ్యం, తాగునీరు, క్యూలైన్ నిర్వహణ వంటి అంశాలపై ప్రత్యేక దృష్టి పెట్టారు.
Also Read:లైంగిక దాడి..కాంగ్రెస్ బహిష్కృత ఎమ్మెల్యే అరెస్ట్!