2025 సంవత్సరం ముగింపుకు చేరుకుంది. ఈ నేపథ్యంలో ఈ సంవత్సరం దేశంలో అనేక చారిత్రక ఘట్టాలు, విజయాలు, విషాదాలు, సవాళ్లను ఎదుర్కొంది.
()జనవరి 13న పౌష పౌర్ణమితో ప్రారంభమైన ప్రయాగ్రాజ్ మహాకుంభ్, ఫిబ్రవరి 26న మహాశివరాత్రి వరకు కొనసాగింది. 45 రోజులపాటు నిర్వహించిన ఈ మహాసమారోహానికి దేశవిదేశాల నుంచి 65 కోట్లకుపైగా భక్తులు హాజరయ్యారు. గంగా, యమునా, సారస్వతి త్రివేణి సంగమంలో పుణ్యస్నానాలు ఆచరించిన భక్తులతో ఇది ప్రపంచంలోనే అతిపెద్ద మత సమాగమాల్లో ఒకటిగా నిలిచింది.
()ఫిబ్రవరి 8న జరిగిన ఢిల్లీ అసెంబ్లీ ఎన్నికల్లో బీజేపీ ఘన విజయం సాధించింది. 70 స్థానాల్లో 48 సీట్లు గెలిచి, 10 ఏళ్లుగా అధికారంలో ఉన్న ఆమ్ ఆద్మీ పార్టీ పాలనకు ముగింపు పలికింది. ఆప్కు 22 సీట్లు దక్కగా, కాంగ్రెస్ ఖాతా తెరవలేకపోయింది.
()మార్చి 9న దుబాయ్ అంతర్జాతీయ క్రికెట్ స్టేడియంలో జరిగిన ఫైనల్లో భారత్ న్యూజిలాండ్ను ఓడించి ఛాంపియన్స్ ట్రోఫీ 2025ను గెలుచుకుంది. కెప్టెన్ రోహిత్ శర్మ 76 పరుగులతో కీలక పాత్ర పోషించాడు.
()ఏప్రిల్ 22న జమ్మూ కశ్మీర్లోని పహల్గాం బైసరణ్ మైదానంలో పర్యాటకులపై ఉగ్రవాదులు కాల్పులు జరిపారు. పలువురు మృతి చెందగా, ప్రాంత భద్రతపై ఆందోళనలు మళ్లీ తెరపైకి వచ్చాయి.
()పహల్గాం దాడికి ప్రతిస్పందనగా మే 6–7 తేదీల్లో భారత్ పాకిస్తాన్, పీఓకేలోని ఉగ్ర శిబిరాలపై ఖచ్చిత దాడులు చేపట్టింది. బహావల్పూర్ సహా తొమ్మిది ప్రాంతాల్లో క్షిపణి దాడులు జరిగాయి.
()జూన్ 12న అహ్మదాబాద్ నుంచి లండన్ వెళ్తున్న ఎయిర్ ఇండియా బోయింగ్ 787-8 విమానం కూలి 242 మందిలో ఒక్కరు మాత్రమే ప్రాణాలతో బయటపడ్డారు. నేలపై మరో 19 మంది మృతి చెందారు. దర్యాప్తులో టేకాఫ్ అనంతరం ఇంధన స్విచ్లు పొరపాటున ఆఫ్ అయినట్లు తేలింది.
()జూలైలో అమెరికా అధ్యక్షుడు డొనాల్డ్ ట్రంప్ భారత దిగుమతులపై 25% సుంకం విధించనున్నట్లు ప్రకటించారు.
()ఆగస్టు 26న అర్ధకువారీ సమీపంలో భారీ వర్షాల కారణంగా భూస్ఖలనం చోటుచేసుకుని 34 మంది భక్తులు మృతి చెందారు.
Also Read:వైభవ్పై భారత మాజీ క్రికెటర్ ప్రశంసలు
()సెప్టెంబర్లో పంజాబ్లో 23 జిల్లాలు వరదల బారినపడ్డాయి. దాదాపు 50 మంది మృతి చెందగా, 1,900కుపైగా గ్రామాలు మునిగిపోయాయి.
()బంగాళాఖాతంలో ఏర్పడిన మోంతా తుఫాను అక్టోబర్ చివర్లో ఆంధ్రప్రదేశ్ తీరాన్ని తాకి భారీ వర్షాలు, బలమైన గాలులతో నష్టం కలిగించింది.
()నవంబర్ 10న ఢిల్లీలోని ఎర్రకోట సమీపంలో కార్ బాంబ్ పేలుడులో 11 మంది మృతి చెందగా, 20 మందికి పైగా గాయపడ్డారు. కేసును ఎన్ఐఏ దర్యాప్తు చేస్తోంది.
()డిసెంబర్ మొదటి వారంలో ఇండిగోకు సంబంధించిన సాంకేతిక, వాతావరణ సమస్యలతో 8 రోజుల్లో 5,000కుపైగా విమానాలు రద్దయ్యాయి. వేలాది ప్రయాణికులు ఇబ్బందులు ఎదుర్కొన్నారు.