మెగాస్టార్ చిరంజీవి, పవర్ స్టార్ పవన్ కల్యాణ్ కాంబినేషన్ లో సినిమాను తీస్తానని ఆ మధ్య ప్రకటించారు సినీ నిర్మాత టి.సుబ్బరామిరెడ్డి. సుబ్బరామిరెడ్డి ఏదో ఉత్సాహంలో అలా అన్నారని చాలా మంది అనుకున్నారు. చిరంజీవి, పవన్ కల్యాణ్, మాటల మాంత్రికుడు త్రివిక్రమ్ శ్రీనివాస్ కాంబినేషన్‌లో మల్టీ స్టారర్ సినిమా వస్తున్నదంటూ వచ్చిన వార్తలు హల్ చల్ చేశాయి. ఈ సినిమాను ప్రముఖ పారిశ్రామిక వేత్త, ఎంపీ టీ సుబ్బిరామిరెడ్డి నిర్మిస్తున్న సంగతి తెలిసిందే.
ఈ ప్రాజెక్టుకి సంబంధించిన అఫీషియ‌ల్ స్టేట్ మెంట్ వ‌చ్చి చాలా రోజులు కాగా, ఇప్పుడు దాని ఊసే లేక‌పోవ‌డంతో అభిమానుల‌లో కాస్త సందేహం నెల‌కొంది. ఈ క్ర‌మంలో సుబ్బి రామిరెడ్డి తాజాగా చిత్రంకు సంబంధించి కొన్ని విష‌యాలు వెల్ల‌డించారు. సినిమాకి సంబంధించిన ప‌నులు శ‌ర‌వేగంగా జ‌రుగుతున్నాయి. సినిమాకు కావ‌ల‌సిన క‌థ కూడా సిద్ధ‌మ‌వుతుంది. అటు చిరు ఇటు పవన్ లు వారి వారి ప్రాజెక్టులు పూర్తి చేసుకున్న త‌ర్వాత ఈ మెగా మల్టీ స్టారర్ చిత్రాన్ని భారీ ఎత్తున లాంచ్ చేయ‌నున్నామ‌ని నిర్మాత సుబ్బి రామిరెడ్డి అన్నారు. త్రివిక్రమ్ ఈ కథకు సంబంధించి భారీగానే స్కెచ్చులు వేస్తున్నట్టు స‌మాచారం. ఎన్నో ఏళ్లుగా మెగాస్టార్ చిరంజీవి, పవర్ స్టార్ పవన్ కల్యాణ్‌ను ఒకే తెరపై చూడాలని సినీ అభిమానులు కల తీర్చే భాద్యతను కళాబంధు సుబ్బిరామిరెడ్డి తీసుకున్నారు.
