రామ్ చరణ్ – దర్శకుడు బుచ్చిబాబు కలయికలో రాబోతున్న సినిమా అప్ డేట్ కోసం చరణ్ అభిమానులంతా ఎంతో ఆసక్తిగా ఎదురుచూస్తున్నారు. చరణ్ మరోసారి బ్లాక్ బస్టర్ హిట్ కొట్టాలని మెగా ఫ్యాన్స్ బలంగా కోరుకుంటున్నారు. మొన్నామధ్య ఈ సినిమా కొత్త షెడ్యూల్ షూటింగ్ స్టార్ట్ అయిన తర్వాత మధ్యలో మళ్లీ బ్రేక్ తీసుకున్నారు. చరణ్ డేట్స్ కోసం ప్రస్తుతం టీమ్ ఎదురుచూస్తోంది. ఇప్పటికే, జాన్వీ కపూర్ కూడా ఈ సినిమా కోసం డేట్స్ కేటాయించింది. అయితే, బుచ్చిబాబు రాసుకున్న కథలో తాజాగా మెగాస్టార్ చిరంజీవి కొన్ని మార్పులు చేయాలని సూచించారు అని టాక్ నడుస్తోంది. ముఖ్యంగా ఈ సినిమా కథలో రామ్ చరణ్ క్యారెక్టర్ కి సంబంధించి వచ్చే ఓ ప్లాష్ బ్యాక్ లో కొన్ని మార్పులు చేర్పులు చేయాలని చిరంజీవి చెప్పారట.
నిర్ణయం మెగాస్టార్ చిరంజీవిదే గానీ, అటు రామ్ చరణ్ కూడా ఈ మార్పులకు సముఖంగా ఉన్నాడని తెలుస్తోంది. అయితే, దర్శకుడు బుచ్చిబాబు మాత్రం ఈ మార్పులకు ఇంట్రెస్ట్ చూపించడం లేదు. కానీ ఎదురు చెప్పే పొజిషన్ లో బుచ్చిబాబు లేడు. పైగా మార్పులు చెప్పింది మెగాస్టార్. కాబట్టి, ఆయన చెప్పిన విధంగా స్క్రిప్ట్ లో మార్పులు చేయాలి. అందుకోసం మాటల రచయిత సాయి మాధవ్ బుర్రాతో కలిసి ప్రస్తుతం బుచ్చిబాబు కథ పై కూర్చున్నాడు. అయితే ఫైనల్ అయిన కథలో ఇప్పుడు కొత్తగా మార్పులు చేర్పులు చేసుకుంటూ కూర్చుంటే.. ఇక షూటింగ్ ఎప్పుడు ఫినిష్ చేయాలి ? అంటూ బుచ్చిబాబు బాధ పడుతున్నాడట.
డిఫరెంట్ యాక్షన్ అండ్ ఎమోషనల్ డ్రామాగా ఈ సినిమాను బుచ్చిబాబు తెరకెక్కిస్తున్నాడు. వృద్ధి సినిమాస్‌ పతాకంపై వెంకట సతీష్‌ కిలారు ఈ చిత్రాన్ని నిర్మించనున్నారు. ఈ సినిమాలో హీరోయిన్ క్యారెక్టర్ కి కూడా బలమైన ట్రాక్ ఉంది. కాబట్టి జాన్వీ కపూర్ ను ఫైనల్ చేశారు. నిజంగానే ఈ సినిమాలో జాన్వీకపూర్‌ పాత్ర చాలా కీలకం అని తెలుస్తోంది.
Also Read:Modi:తెలంగాణకు మోడీ.. క్లారిటీ వచ్చేనా?
