పాన్ ఇండియా స్టార్ ప్రభాస్, ప్రశాంత్ నీల్ కాంబోలో తెరకెక్కిన ‘సలార్’ బ్లాక్ బస్టర్ హిట్ కొట్టిన విషయం తెలిసిందే. ఈ సినిమా ఓటీటీ రిలీజ్ కోసం ఆడియన్స్ ఎదురుచూస్తున్నారు. దీనిపై నెట్‌ఫ్లిక్స్ క్లారిటీ ఇచ్చింది. ‘త్వరలోనే సలార్ ఓటీటీకి రానుంది. ఖాన్సార్ ప్రజలు సంబరాలు మొదలుపెట్టొచ్చు. సలార్ తిరిగి రాజ్యానికి వచ్చాడు. త్వరలోనే నెట్ ఫ్లిక్స్ లో స్ట్రీమింగ్ కానుంది’అని తెలిపింది. మొత్తానికి సలార్ ఓటీటీ రిలీజ్ పై క్లారిటీ రావడంతో ప్రభాస్ ఫ్యాన్స్ ఫుల్ ఖుషి అవుతున్నారు.
ఇక మరో క్రేజీ సినిమా విషయానికి వస్తే.. ఐకాన్ స్టార్ అల్లు అర్జున్, డైరెక్టర్ సుకుమార్ కాంబినేషన్‌లో రూపొందుతున్న ‘పుష్ప 2’ ఓటీటీ రైట్స్‌ను నెట్ ఫ్లిక్స్ సొంతం చేసుకుంది. ఈ విషయాన్ని ఆ సంస్థ అధికారికంగా ప్రకటించింది. ఈ మూవీ ఈ ఏడాది ఆగస్టు 15న థియేటర్లలో విడుదల కానుంది. ఎనిమిది వారాల తర్వాత స్ట్రీమింగ్‍కు తెచ్చేలా మేకర్స్.. నెట్‍ఫ్లిక్స్‌తో ఒప్పందం చేసుకున్నారని టాక్ వినిపిస్తోంది.
ఇక మరో సినిమా విషయానికి వస్తే.. సందీప్ రెడ్డి దర్శకత్వంలో రణబీర్ కపూర్ హీరోగా నటించిన బ్లాక్ బస్టర్ మూవీ ‘యానిమల్’ నెట్‌ఫ్లిక్స్‌లో సినిమా విడుదలను నిలిపివేయాలని ఢిల్లీ హైకోర్టులో పిటిషన్ దాఖలైంది. టి-సిరీస్ తో కుదుర్చుకున్న తమ ఒప్పందం ఉల్లంఘనకు గురైందని, యానిమల్‌లో 35% ప్రాఫిట్ షేర్, మేథో సంపత్తి హక్కులు ఉన్నాయని ‘యానిమల్’ సహ నిర్మాత సినీ1 స్టూడియోస్ పిటిషన్ దాఖలు చేసింది. దీనిపై ఈ నెల 18న విచారణ జరగనుంది.
Also Read:ప్రభాస్..రాజా సాబ్
