దేవర సినిమాకు సంబంధించి ఇప్పటికే కొన్ని ఆసక్తికర విషయాలు బయటపెట్టాడు కొరటాల శివ. తాజాగా మరోసారి ఈ సినిమాపై స్పందించాడు. సినిమా మొత్తానికి హైలెట్ అయ్యే సన్నివేశం గురించి మాట్లాడాడు. దేవరలో గంగమ్మ జాతర ఎపిసోడ్ ఉంది. అందులో గంగమ్మ తల్లి భక్తుడిగా కనిపించబోతున్నాడట ఎన్టీఆర్. ఆ ఎపిసోడ్ టోటల్ సినిమాకే హైలెట్ అవుతుందని చెబుతున్నాడు కొరటాల. దేవర సినిమా సముద్రం నేపథ్యంలో వస్తోన్న సంగతి తెలిసిందే. కాబట్టి, గంగమ్మ జాతర ఎపిసోడ్ లో ఎన్టీఆర్ పెర్ఫార్మెన్స్ ప్రతి ఒక్కర్ని ఆశ్చర్యానికి గురిచేస్తుందని అంటున్నాడు కొరటాల శివ.
ఎన్టీఆర్ మంచి నటుడు. పైగా గంగమ్మ జాతర.. సహజంగానే తెలుగునాట జాతరల్లో కాస్త ఆవేశం ఎక్కువ ఉంటుంది. ముఖ్యంగా అమ్మవారి జాతరల్లో ,మాస్ బిట్స్ కూడా ఎక్కువ. మరి ఎన్టీఆర్ అంటేనే మాస్. అందుకే, ఈ జాతర ఎపిసోడ్ ను చాలా విజువల్ వండర్ గా మలచడానికి కొరటాల శివ తెగ కష్టపడుతున్నాడు. దేవర సినిమా గురించి నాలుగు ముక్కలు చెప్పండి అంటే.. పై మాటలు చెప్పుకొచ్చాడు. ఏది ఏమైనా గంగమ్మ జాతరకు సంబంధించి షూటింగ్ ను వచ్చే షెడ్యూల్ లో ప్లాన్ చేస్తున్నాడు. పైగా ఈ ఎపిసోడ్ కోసం భారీ సెట్ వేస్తున్నారు.
వందల మంది జూనియర్ ఆర్టిస్టులతో పాటు జగపతిబాబు – ఎన్టీఆర్ మరియు జాన్వీ కపూర్ మధ్య ఈ ఎపిసోడ్ షూటింగ్ జరుగుతోంది. గంగమ్మ జాతరకు సంబంధించి ఎన్టీఆర్ గెటప్ కూడా హైలైట్ గా ఉంటుందట. అలాగే ఈ ఎపిసోడ్ లో బీజీఎం కూడా అదిరిపోతుందని ఊరిస్తున్నాడు కొరటాల. మొత్తానికి దేవర పై అంచనాలు అమాంతం పెరిగాయి. ఆ అంచనాలకు ఏమాత్రం తీసిపోని విధంగా, చాలా గ్యాప్ తీసుకొని, స్క్రీన్ ప్లేపై బాగా వర్కవుట్ చేస్తూ కొరటాల శివ టీమ్ పని చేస్తోంది.
Also Read:ప‌న‌స పండ్లు ఎక్కువ‌గా తింటున్నారా?
