డైరెక్టర్ అనిల్ రావిపూడి, నటసింహం నందమూరి బాలకృష్ణ కాంబినేషన్లో తెరకెక్కి.. దసరా కానుకగా అక్టోబర్ 19న విడుదలై బాక్సాఫీస్ వద్ద విజయవంతంగా దూసుకుపోతోంది ‘భగవంత్ కేసరి’. 21 రోజుల్లో ప్రపంచ వ్యాప్తంగా రూ.68.52 కోట్ల షేర్‌, రూ.140 కోట్ల గ్రాస్‌ వసూల్ చేసింది. భారీ అంచనాలతో విడుదలైన ‘భగవంత్ కేసరి’కి ప్రపంచ వ్యాప్తంగా రూ.67.35 కోట్లు మేర బిజినెస్ జరిగినట్లు ట్రేడ్ వర్గాలు వెల్లడించాయి. మొత్తానికి బాలయ్య చాలా గ్యాప్ తర్వాత భారీ హిట్ కొట్టాడు. దీంతో బాలయ్య కొత్త సినిమా పై హైప్ పెరిగింది.
ప్రస్తుతం బాలయ్య బాబు – దర్శకుడు బాబీ కాంబినేషన్ లో ఓ సినిమా రాబోతుంది. బాబీ, బాలయ్య కోసం ఓ పవర్ ఫుల్ క‌థ రెడీ చేశాడు. ఫ్యామిలీ బ్యాక్ డ్రాప్ తో సాగే యాక్షన్ సినిమా అట. అంటే.. యాక్షన్ కన్నా.. ఫ్యామిలీ ఎమోషన్సే సినిమాలో ఎక్కువ ఉంటాయట. అన్నట్టు ఈ సినిమాతో ఎన్టీఆర్‌‌కు పోటీగా బాలయ్య బరిలోకి దిగబోతున్నాడు. యంగ్ టైగర్ ఎన్టీఆర్, కొరటాల శివ దర్శకత్వంలో ‘దేవర’ సినిమా శరవేగంగా షూటింగ్ జరుపుకుంటోంది. భారీ అంచనాలతో ఈ సినిమా 2024 ఏప్రిల్ 5న విడుదలకు సిద్దమవుతోంది.
బాలకృష్ణ 109 చిత్రం, బాబీ దర్శకత్వంలో రాబోతున్న ఈ సినిమా 2024 మార్చి 29న విడుదల కానుందని ఓ వార్త సోషల్ మీడియాలో వైరల్ అవుతోంది. దీంతో వచ్చే వేసవిలో బాలకృష్ణ, ఎన్టీఆర్ సినిమాలు ఒకే సారి బరిలో దిగనున్నట్లు తెలుస్తోంది. మరి అబ్బాయ్ – బాబాయ్ లలో బాక్సాఫీస్ దగ్గర ఎవరు నెగ్గుతారో చూడాలి. ప్రస్తుతానికి అయితే బాలయ్య – ఎన్టీఆర్ మధ్య పెద్దగా మాటలు కూడా లేవు. ఈ నేపథ్యంలో వీరిద్దరూ బాక్సాఫీస్ దగ్గర పోటీ పడుతుండటం విశేషం.
Also Read:ఎలక్షన్ ఫైట్.. వారసుల పోరు?
