సూపర్ స్టార్ మహేష్ బాబు ఫ్యాన్స్ సోషల్ మీడియా యుద్ధానికి సిద్ధమయ్యారు. అసలే గుంటూరు కారం పై నెగిటివ్ టాక్ తో వారంతా ప్రస్తుతం మంచి ఆకలి మీదున్నారు. ఎలాగైనా గుంటూరు కారంతో తమ ఆకలి తీరుతుంది అని వారు గట్టిగా నమ్ముతున్నారు. ఈ సినిమా వచ్చే ఏడాది జనవరి 12 రిలీజ్ కాబోతుంది. కానీ, ఇంతవరకు ఈ సినిమాకు సంబంధించి ఎలాంటి అప్డేట్స్ రాకపోవడంతో అభిమానులు బాగా డిజప్పాయింట్ అవుతున్నారు. కానీ, సినిమా పై వస్తున్న క్రేజీ రూమర్స్ దెబ్బకు మహేష్ ఫ్యాన్స్ మళ్ళీ యాక్టీవ్ అయ్యారు.
ఈ క్రమంలోనే దీపావళికి ఈ సినిమా టీజర్ వదులుతారనే ఆశలో ఉన్నారు ఫ్యాన్స్. మరి గుంటూరు కారం టీజర్ వచ్చాక అంచనాలు మరింతగా పెరిగిపోతాయి. క్రేజ్ నెక్స్ట్ లెవెల్‌కి వెళ్ళిపోతుంది అనే ధీమాలో అభిమానులు ఉన్నారు. రికార్డ్స్ వ్యూస్, షేర్స్‌తో భీభత్సమే అన్న ఊపులో ఉన్నారు. కాకపోతే, ఇప్పుడు గుంటూరు కారం నుంచి టీజర్ వచ్చే ఛాన్స్ లేదు. మూడు నెలల ముందే టీజర్ వదిలితే రిలీజ్ టైం‌కి క్రేజ్ తగ్గుతుందనే ఆలోచనలో మేకర్స్ ఉన్నారు. అందుకే, దీపావళికి మహేష్ బాబు పై సరికొత్త పోస్టర్‌‌ని వదలాలి అనుకుంటున్నారట.
అంటే, దీపావళికి మహేష్ స్పెషల్ పోస్టర్ మాత్రమే రాబోతుంది. మరి, గుంటూరు కారం టీజర్ కోసం ఎక్స్‌పెక్ట్ చేసిన అభిమానులు జస్ట్ పోస్టర్‌తో సరిపెట్టుకోవాల్సిందే. ఇది మహేష్ అభిమానులని డిజప్పాయింట్ చేసే విషయమే. మరి గుంటూరు కారం నుంచి వచ్చే పోస్టర్ ఎలా ఉండబోతుందో చూడాలి. పోస్టర్ మాత్రం ఆశించిన స్థాయిలో లేకపోతే మహేష్ ఫ్యాన్స్ త్రివిక్రమ్ పై సీరియస్ అవుతారు.
Also Read:NBK:బాలయ్య అంటే అంత చులకనెందుకు?
