ఐశ్వర్య లక్ష్మీకి హీరోయిన్ గా పెద్దగా స్టార్ డమ్ ఏమీ రాలేదు. అయినా, సోషల్ మీడియాలో మాత్రం ఆమెకు భారీగా ఫాలోవర్స్ ఉన్నారు. ముఖ్యంగా మలయాళం – తమిళంలో ఐశ్వర్య లక్ష్మీకి ఫుల్ డిమాండ్ ఉంది. అక్కడి కుర్రాళ్లు ఆమె అంటే తెగ క్రేజ్ చూపిస్తున్నారు. ఐశ్వర్య లక్ష్మీ మలయాళం – తమిళ చిత్రాల్లో నటించింది. అందుకే ఆమెకు అక్కడ అంత క్రేజ్. తెలుగు ప్రేక్షకులకు కూడా ఐశ్వర్య లక్ష్మీ పరిచయమే. అలాంటి ఐశ్వర్య లక్ష్మీ సౌత్ సినీ ఇండస్ట్రీకి టాటా బై బై చెబుతుంది. తెలుగు – మలయాళం – తమిళ సినిమా ఇండస్ట్రీల మీద ఇంట్రెస్ట్ చూపించడం లేదు.
ఈ అమ్మడు ఇక తన అదృష్టాన్ని బాలీవుడ్ లో పరీక్షించుకోవాలనుకుంటోంది. అందుకే, ముంబైకి తన మకాం మార్చింది. ఇప్పటికే, ఐశ్వర్య లక్ష్మీ ముంబైలో ఓ ప్లాట్ కూడా రెంట్ కి తీసుకుంది. అక్కడ పలువురు సినీ ప్రముఖులతో నిత్యం టచ్ లో ఉంటుంది. మరి కొత్త నగరం.. పైగా కొత్త దశ.. ఎంతో ఆనందంగా తన సినీ కెరీర్ ను కొనసాగించాలని ఐశ్వర్య లక్ష్మీ ఆశ పడుతుంది. కాకపోతే, ముంబై సినిమా ప్రపంచం వేరు. అక్కడ కొత్తగా వెళ్లి వరుస అవకాశాలను అందుకోవాలి అంటే.. చాలా కష్టం. ఇక్కడ స్టార్లుగా వెలిగిపోయిన ఇలియానా, కాజల్ అగర్వాల్, తమన్నా వంటి వారినే అక్కడి వారు పెద్దగా పట్టించుకోలేదు.
ఇక ఐశ్వర్య లక్ష్మీను ముంబై పట్టించుకుంటుందా ?, సౌత్ లోనే స్టార్ హీరోల సినిమాల కోసం ఐశ్వర్య లక్ష్మీ ఎన్నో ప్రయత్నాలు చేసింది. అయినా, ఆమెకు ఇక్కడ ఆ అవకాశాలు దక్కలేదు. దాంతోనే ఈ హాట్ భామ తన మిత్రురాళ్ల సాయంతో ముంబైలో హిందీ సినిమాల్లో, వెబ్ సిరీస్ లలో అవకాశాలు పొందాలని భావిస్తోంది. ఇంట గెలవలేనప్పుడు, ఐశ్వర్య లక్ష్మీ ఇక రచ్చ ఎలా గెలుస్తోందో ఆమెకే తెలియాలి!!.
Also Read:కాజల్‌కి ఆ సమస్య ఉందట
