బాలీవుడ్ బ్యూటీ జాన్వీ కపూర్ హైదరాబాద్ లో ఓ ఫ్లాట్ ను భారీ రేటుకు కొనుగోలు చేసినట్టు తెలుస్తోంది. షూటింగ్స్ కోసం తరచూ ముంబై నుంచి హైదరాబాద్ వచ్చి హోటల్స్ లో ఉండటం ఇబ్బందిగా ఉండడంతో ఈ నిర్ణయం తీసుకున్నట్లు సమాచారం. ఈ ఫ్లాట్ విలువ రూ.3 కోట్లు అని టాక్. జాన్వీ ప్రస్తుతం దేవర సినిమా షూటింగ్ లో బిజీబిజీగా ఉన్నారు. భవిష్యత్తులో మరిన్ని తెలుగు సినిమాలు చేయాలని జాన్వీ కపూర్ ప్లాన్ చేసుకుంటోంది. అందుకే.. హైదరాబాద్ లో ఇల్లు కొనుకుంది ఈ బాలీవుడ్ భామ.
ఇక ప్రతి చోటా ఉన్నట్లే సామాజిక మాధ్యమాల్లోనూ మంచీచెడులు ఉంటాయని, మనకు నచ్చినవి తీసుకుని మిగిలినవి దూరంగా పెడితే మనసు ప్రశాంతంగా ఉంటుందని జాన్వీ కపూర్ అన్నారు. తన పై వచ్చే నెగిటివ్ కామెంట్స్ గురించి మీడియాతో మాట్లాడుతూ సోషల్ మీడియా ప్రస్తుతం మన అందరి జీవితాల్లోనూ ఒక భాగమైపోయిందని తెలిపారు. మనమంటే నచ్చని వాళ్లు ట్రోలింగ్ చేస్తుంటారని, అలాంటి వాటిని పట్టించుకోవాల్సిన అవసరం లేదని, వదలేయడం మంచిదని జాన్వీ కపూర్ చెప్పుకొచ్చింది.
అన్నట్టు జాన్వీ కపూర్ నిత్యం తన గ్లామర్ షో తో మైండ్ బ్లాక్ చేస్తుంది. ఇటీవల ఓ వేదికలో రెడ్ డ్రెస్ ధరించి సెంటర్ ఆఫ్ అట్రాక్షన్ గా మారింది. ఇందుకు సంబంధించిన ఫోటోలు ఆ మధ్య ఇన్‌స్టాగ్రామ్లో షేర్ చేయగా వైరల్ అయ్యాయి. జాన్వీ కపూర్ ప్రస్తుతం జూనియర్ ఎన్టీఆర్ దేవర చిత్రం చేస్తోంది. అలాగే వెబ్ సిరీస్ తోపాటు ఇతర చిత్రాలపై ఆమె ఫోకస్ పెట్టింది.
Also Read:ఆలివ్ పండు తింటే ఆ సమస్యలన్నీ దూరం!
