బాలీవుడ్ బాద్ షా షారుఖ్ ఖాన్, నయనతార జంటగా అట్లీ తెరకెక్కించిన ‘జవాన్’ బాక్సాఫీస్ వద్ద భారీ విజయాన్ని అందుకుంది. తొలిరోజు నుండే పాజిటివ్ టాక్‌తో మంచి వసూళ్లను రాబట్టింది. ఇక ఐదురోజుల్లో వరల్డ్ వైడ్‌గా రూ. రూ. 574.89 కోట్ల గ్రాస్ కలెక్షన్ ని సొంతం చేసుకున్నట్లు మేకర్స్ ప్రకటించారు.
రెడ్ చిల్లీస్ ఎంటర్టైన్మెంట్ సంస్థ పై గౌరి ఖాన్ నిర్మించిన జవాన్ కి అనిరుద్ సంగీతం అందించారు. షారుఖ్ ఖాన్ హీరోగా నయనతార, దీపికా పదుకొనె హీరోయిన్స్ గా అట్లీ దర్శకత్వంలో తెరకెక్కింది. రోజు రోజుకు జవాన్ వసూళ్లు పెరుగుతున్నాయి. మరి రాబోయే రోజుల్లో జవాన్ ఇంకెన్నీ వసూళ్లను రాబడుతుందో వేచిచూడాలి.
జవాన్ సినిమాను ప్రపంచ వ్యాప్తంగా సుమారు 10వేల థియేటర్లలో విడుదల చేశారు. హిందీతో పాటు తెలుగు, కన్నడ, తమిళ్‌, మలయాళ భాషల్లోనూ రిలీజ్‌ అయింది. తొలి రెండు రోజుల్లో ఏకంగా రూ.250 కోట్లను కొల్లగొట్టింది జవాన్.
Also Read:Bigg Boss 7 Telugu:ఈ వారం నామినేషన్స్‌లో 9 మంది
