డాషింగ్ డైరెక్టర్ పూరి జగన్నాధ్ తమ్ముడుగా హీరోగా పరిచయమైన హీరో సాయిరాం శంకర్. 143 సినిమాతో ఎంట్రీ ఇచ్చిన నటుడు సాయిరాం తొలి సినిమాతోనే మంచి గుర్తింపు తెచ్చుకున్నాడు. ప్రస్తుతం ‘అరకు రోడ్‌లో…’సినిమాలో హీరోగా చేస్తున్న సాయి…సినిమా షూటింగ్ శరవేగంగా జరుగుతోంది. హీరోగా చాలా సినిమాలు చేసినప్పటికీ తనకి బాగా గుర్తింపు తెచ్చి సక్సెస్ అయిన కమర్షియల్ హీరోగా నిలదొక్కుకోలేకపోతున్నాడు.
దీంతో తమ్ముడి కెరీర్ ను గాడిలో పెట్టే బాధ్యత తీసుకున్నాడు పూరి. ప్రస్తుతం కళ్యాణ్ రామ్ హీరోగా ఇజం సినిమాను తెరకెక్కిస్తున్న పూరి, త్వరలో సాయిరాం శంకర్ కీలక పాత్రలో ఓ సినిమాను తెరకెక్కించేందుకు రెడీ అవుతున్నాడు. అయితే ఈ సినిమాలో సాయి హీరోగా కాదు, విలన్ గా నటించనున్నాడట.
ఈ మధ్య కాలంలో విలన్ పాత్రల్లో కనిపించడానికి చాలామంది హీరోలు ఆసక్తిని చూపుతున్నారు. ఇక విలన్ రోల్స్ లో చేసిన చాలా మంది.. హీరోలుగా మంచి గుర్తింపు తెచ్చుకున్నారు. ఇప్పుడు అదే బాటలో సాయి కూడా విలన్ గా ఎంట్రీ ఇచ్చి తిరిగి హీరో అయ్యే ఆలోచనలో ఉన్నాడు.
