మంత్రి కేటీఆర్ ఇవాళ రాజన్న సిరిసిల్ల జిల్లాలో పర్యటించనున్నారు. తన పర్యటన సందర్భంగా పొడు భూములకు పట్టాల పంపిణీతో పాటు పలు కార్యక్రమాల్లో పాల్గొననున్నారు. మంత్రి కొప్పుల ఈశ్వర్‌తో ఉదయం 11 గంటలకు తంగళ్లపల్లి మండలం జిల్లెల్లలోని వ్యవసాయ కళాశాలలో బాబు జగ్జీవన్‌రాం విగ్రహాన్ని ఆవిష్కరించనున్నారు.
తర్వాత జిల్లా సమీకృత కలెక్టరేట్‌కు చేరుకొని మధ్యాహ్నం 12 గంటలకు 124 మంది చిరువ్యాపారులకు ఆర్థిక సాయం అందజేస్తారు. 12:30 గంటలకు పద్మనాయక కల్యాణ మండపంలో 1650 మంది లబ్ధిదారులకు పోడు పట్టాలు పంపిణీ చేయనున్నారు కేటీఆర్.
Also Read:Salaar:ఊరమాస్ టీజర్
సిరిసిల్ల బీఆర్‌ఎస్వీ యూత్‌ అధ్యక్షుడు సుంకపాక మనోజ్‌ తండ్రి ఇటీవల మృతి చెందగా, 3 గంటలకు వారి స్వగ్రామం విలాసాగర్‌కు వెళ్లి కుటుంబసభ్యులను పరామర్శిస్తారు. కేటీఆర్ పర్యటన నేపథ్యంలో పటిష్ట బందోబస్తు ఏర్పాటుచేశారు అధికారులు.
Also Read:SPY:సారీ చెప్పిన నిఖిల్
