సర్కార్ వారి పాట తర్వాత సూపర్ స్టార్ మహేశ్ బాబు నటిస్తోన్న సినిమా ఎస్ఎస్ఎంబీ28. త్రివిక్రమ్ శ్రీనివాస్ మహేశ్ కాంబినేషన్‌లో అతడు ఖలేజా తర్వాత వస్తున్న మూడో సినిమా. అయితే తాజాగా ఫ్యాన్స్‌ కోసం ఫస్ట్ గ్లింప్స్‌ ఒకటి లాంఛ్ చేశారు. తలకు రిబ్బను కట్టుకున్న మహేశ్ మాస్ యాంగిల్‌ను అందరికీ చూపించేందుకు రెడీ అవుతున్నట్టు లేటెస్ట్‌ లుక్‌తో అర్థమవుతుంది. ప్రస్తుతం ఎస్ఎస్ఎంబీ 28 మాస్ స్ట్రైక్‌ మరో రెండు రోజుల్లో మీ దగ్గర్లోని థియేటర్లలో ఉండబోతుంది.. అంటూ నిర్మాత నాగవంశి షేర్ చేసిన స్టిల్ నెట్టింట ట్రెండింగ్ అవుతోంది.
హారికా అండ్ హాసిని క్రియేషన్స్ బ్యానర్‌పై ఎస్‌ రాధాకృష్ణ (చినబాబు) నిర్మిస్తున్న ఈ చిత్రంలో పూజాహెగ్డే, శ్రీలీల ఫీ మేల్ లీడ్‌ రోల్స్‌లో నటిస్తున్నారు. ఈ మూవీని 2024 జనవరి 13న ప్రపంచవ్యాప్తంగా థియేటర్లలో గ్రాండ్‌గా విడుదల చేయనున్నట్టు ఇప్పటికే ప్రకటించారు మేకర్స్‌. మహేశ్ బాబు ఈ ప్రాజెక్ట్‌ తర్వాత ఎస్‌ఎస్‌ రాజమౌళి డైరెక్షన్‌లో వరల్డ్‌ అడ్వెంచరస్‌ ప్రాజెక్ట్‌గా రాబోయే ఎస్ఎస్ఎంబీ 29తో బిజీ కానున్నాడు.
Also Read: పుష్ప 2 రిలీజ్ డేట్ లాక్
